تشاينيز نودلز Chinese Noodles الطريقة اول شي بتجيبو صدر الفروج وبتقطعو

تشاينيز نودلز Chinese Noodles الطريقة اول شي بتجيبو صدر الفروج وبتقطعو

 

تشاينيز نودلز Chinese Noodles
الطريقة
اول شي بتجيبو صدر الفروج وبتقطعو شرايط رفيعة او مكعبات حسب كيف بتحبو ومنتبلو
بمعلقتين كبار زيت مازولا
رشة ملح
رشة فلفل اسود
رشة بابريكا حلوة ( فليفلة حمرة ناعمة)
ورشة توم بودر
ورشة بصل بودر
رشة زنجبيل
منغطين ومنتركهم شوي بالبراد شغلة ربع ساعة
بهالوقت منجهز الخضار ومنقطعا
فليفلة ملونة ( احمر اخضر اصفر) مقطعة شرايح رفيعة
بصل ابيض او الاحمر مابتفرق كمان شرايح رفيعة
جزر مقطع شرايح رفيعة
وفطر
ودرة
وملفوف ابيض او احمر وكمان شرايح رفيعة كتير
وفصتين توم مفروم
هلا منحمي المقلاية ع نار عالية ومنزل الفروج لازم تكون عالية حتى ماتطلع سوائل منو
دقيقتين ومنضيف الخضار بالتدريج
الفليفلة ولبصل والجزر والفطر والملفوف والتوم وبالاخير الدرة
منقلبن منيح ومنضيف رشة ملح عليهن شوي
وبعدا منضيف تقريبا ٥ ملاعق كبار صويا صوص
٣ ملاعق كبار كاتشب
ومعلقة صغيرة عسل واذا مو موجود معلش نستبدلو بالسكر
وومنضل منقلبن شوي لياخدو الطعمات سوا مابدنا الخضرة تستوي كتير لازم يضل الها قرشة اطيب وبالاخير رشة سمسم اييض عليهن ( اذا حسيتو الصويا صوص قليل فيكن تضيفو معلقة)
اما النودلز يلي عايش برا سورية فيكن تجيبوها من المول هي غير معكرونة العادية بتجي ارفع
اما يلي بسورية اتوقع مايكون موجود فيكن تسبدلوها بكياس الاندومي او اي نوع معكرونة تكون رفيعة كتير
بس نسلقها منصفيها ومنضيفا ع الخضار والفروج ومنحركن منيح مع بعض ع نار هادية تقريبا ٣ ل٥ دقايق وبالاخير رشة اوريغانو
(اذا بتحبوها حدة فيكن تضيفو عليها شطة وطبعا يلي بيحب الصويا كمان ممكن يزيد عليها وقت الاكل )
وهيك بتكون جاهزة وصحتين والف هنااا
ناطرة تجاربكن ورأيكن فياا
photography food foodporn pasta
باستا تشاينيز فود وصفات chinese
noodles noodle ‍ تصويري color chinisenoodles
delecios وصفات لذيذة pasta yummy
yummyfood explore explorepage اكسبلور
نودلز”

 

انتقل إلى أعلى