== تحذير النباتيين لا يشوفو البوست ده لا تجيهم صدمه نفسيه ==

== تحذير النباتيين لا يشوفو البوست ده لا تجيهم صدمه نفسيه == 1

== تحذير النباتيين لا يشوفو البوست ده لا تجيهم صدمه نفسيه ==

 

== تحذير النباتيين لا يشوفو البوست ده لا تجيهم صدمه نفسيه ==
المطعم ده من الاخر
اتعرفنا عليه ايام ما كان في دبي مول في الدور الارضي الى ان قرر الشائع يجيبو جده قبل فتره قريبه
تبغى تاكل لحوم – اسف قصدي تبغى تضرب لحوم من ريبز الى استيك الى برجر عنده كل شي
و الي يميز المطعم انه محافظ على مستواه المتميز
طبعا المطعم امريكي عالمي
الغلطه الوحيده الي صارت اننا رحنا على فطور رمضان و البطن فاضيه و اضرب من الاكل الي يحبه قلبك ممكن تتنح بعدها ١٠ ساعات بس مو مشكلة عادي
كله يهون عشان اكل الدهون ما عنده ست منيو و لا بوفيه مفتوح لرمضان (طلبات عاديه)
في البدايه قدمو لنا خبز لذيذ مع زبده و بعدها
طلبنا ما هو اتي
المقبلات
اخترنا طبق الكومبو ابتايزر
تختار ٣ اطباق ب ٦٨ ريال
اخترنا اسلايدر برسكت عباره عن٢ برجر برسكت ميني لذيذه
اخترنا اسكين بوتيتو تجي بطاطس مقطعه و عليها جبنه شيدر سايحه و بيكون
و بايتس جبنه سيدر مقليه
مع صوص رانش للتغميس
الطبق لذيذ و ينفع يكون مقبلات تستفتح بيه بس لا تشبع منه
الطبق الرئيسي
ريبز كامل ب١١٥ ريال
اطباق جانبية رز و بطاطس(الرز لذيذه و متبل بطريقه جيده)
الريبز (اضلاع) دي افضل ريبز في جدة لذيذه و دسمه جدا و حجمها كبير (لشخصيين) اعطيها ٥ من ٥
بافلو تشيكن ساندويش
السعر ٥٥ ريال
المطعم ده غير متخصص في الدجاج عشان كده الساندويش ده متوسط، الساندويش عليه خس و طماطم و الصوص قليل جدا، الخبز كان قديم شويه
اعطيه ٣ من ٥
الصدمه انه وصلنا الى الحلى و مره مافي مكان بس كان لازم ندخل و طفسنا عشان ناكل الحلى طلبنا
كان عباره عن كوكي ساندي سعره ٣٦ ريال
كوكيز سميك مع شوكليت شيبز عليها ايس كريم فانيلا و صوص الكارميل
من الاخر ٥ على ٥
المطعم ممتاز و خدمه رائعة و اجواء جميل
مطعم من الاخر لازم تزورو
لا يوجد بارتشين
وسلامتكم
الموقع شارع التحليه حي الاندلس مركز لي مول
instafood
تقييم جدة فودي
beautiful
معلومات معلومة صورة

 

== تحذير النباتيين لا يشوفو البوست ده لا تجيهم صدمه نفسيه == 1




انتقل إلى أعلى