تجربتنا من اقدم محلات الفروج في السعودية واشهرها الطازج altazaj fakieh


Warning: Undefined variable $images_gallery in /home/611435.cloudwaysapps.com/kuqjuwqsge/public_html/wp-content/themes/astra-child/functions.php on line 46

تجربتنا من اقدم محلات الفروج في السعودية واشهرها الطازج altazaj fakieh

 

تجربتنا من اقدم محلات الفروج في السعودية واشهرها
الطازج altazaj fakieh
مطعم غني عن التعريف، بدأ زمان بالفروج وبعدين أتوسعو في الرز والساندوتشات والمقليات، بالاضافة لبعض الاطباق الجانبية
الهدف من هذي التغطية هي تجربة اصناف جديدة وتقييم التطبيق الخاص بالمطعم
طلباتنا كانت فروج رشاقة، رز وكباب، ساندوتش كباب، ساندوتش دجاج، شوربة حريرة، ناجتس، وصنفهم الصغير الجديد تشكن فرايز
ولا تنسو بيبسي
وجبة الرشاقة هيا نفس الدجاج العادي تقريبا باختلاف انها تجي مع سلطة وموية، النكهة ما زالت ممتازة خاصة في الجلد، لكن حجم الدجاج يعتبر شوية صغير، سلطة فتوش صغيرة وعادية
يجي معاه عيش بس للاسف ينشف مرة بسرعة
الرز مع الدجاج مبهر كويس، حتى الرز نكهته واضحة، حجم الصحن جيد ويجي فيه سيخين كباب مع دقس جانبي
من ناحية الساندوتشات، في رأيي الكباب افضل، لان تتبيلة الكباب واضحة، مقارنة بالدجاج العادي، كانه دجاج مسلوق من غير جلد، ومعتمد على نكهة الطحينة
شوربة الحريرة اكيد ما تتقارن بحريرة البيت، لكن طعمها مقبول، للناس اللي تحب تشرب شوربة مع الاكل
الناجتس والفرايز من باب التسلية، لكن الحقيقة ان القلي عندهم نظيف، مافيه زيت، ومقرمشة، بس الاثنين نفس الطعم، ف خدو الشكل اللي يعجبكم
الواحد ياكل وجبة او ساندوتشين
الجيعان يدعس
من ناحية التغليف، الفروج والرز في علب قصدير، والساندوتشات في اكياس خاصة لها، والشوربة في علبة كرتون ب غطا بلاستيك، كل شي محطوط في اكياس مقفلة من طرف المطعم للحماية
التطبيق للاسف مو مريح في الاستخدام، تحس انه شوية قديم، الاطباق غير مصنفة وبدون ترتيب، ولسبب ما في بعض الوجبات يجبرك تطلب معاها شوربة حريرة، وعلق عليا مرتين اضطريت اقفله وافتحه مرة ثانية، الدفع عن طريق التطبيق، وللاسف التوصيل مو من كل الفروع
الحد الادنى للطلب ٤٠ ريال، والتوصيل قيمته ١٢ ريال
بس الكويس انهم يستخدمو شنط حفظ الحرارة، طلّعلي الشنطة لمدخل البيت وفتحها، انا اخدت الاكياس بنفسي
** الطازج يعتبر من مطاعم الفروج اللي كويس تطلبوه في البيت، جربو تاخذو شي مقلي او جربو الرز من باب التغيير، لو ما يفرق معاكم شنط الحرارة اطلبو من تطبيقات التوصيل، كريم عنده دحين توصيل مجاني
تتوقعو الطازج ما زال محتفظ بمستواه القديم، ولا في محلات ثانية اخذت مكانه ؟
اكلك في بيتك جدة مطعم مطاعم توصيل ديليفري اكل جيعان جوعان كريم هنجرستيشن تويو وصل طلبات دجاج فروج
jeddah restaurant delivery food hungry careem hungerstation toyou wssel grill chicken

 

الموضوع منقول











انتقل إلى أعلى