تجربتنا لمطعم متخصص في الساندوتشات من اكثر من سنتين وعندهم فرعين،

تجربتنا لمطعم متخصص في الساندوتشات من اكثر من سنتين وعندهم فرعين،

 

تجربتنا لمطعم متخصص في الساندوتشات من اكثر من سنتين وعندهم فرعين، في الملك عبدالله والمكرونة
دانك dank ksa
طلباتنا فيلي لحم، جمبري مشوي، دجاج بالافوكادو، وللتسلية دجاج كرسبي، جمبري ديناميت، بطاطس وودجز
واكيد ما ننسى بيبسي
اول شي واحسن شي، العييييييييش، حقيقي فنان، طري جدا، باين انه فريش، خطير
الفيلي ستيك اكثر شي عجبني، اللحم نظيف، مافيه دهن، وفيه ملوحة لذيذة
الافوكادو اللي في الدجاج اتوقعنا طعمه يكون واضح اكثر من كده، بس يعتبر بشكل عام جيد
الجمبري المشوي ماشي حاله، بس مو باين فيه نكهة الشواء، وطعم الصوص يطغي على الجمبري، الصوص فيه شوية حموضة ومختلف عن اغلب المحلات
الساندوتشات كلها تعتبر مليانة
جمبري ديناميت حار طبعا، مطبوخ كويس، اللي يحب الديناميت ممكن يجربه، بس عادي
الدجاج الكرسبي في بهارات جيدة، ومع الصوص يصير اطعم بس ما يعتبر كرسبي، طري من برا وجوا، عن نفسي ما تعجبني طريقة القلي هذي كثير
والبطاطس كلها كويسة، بس حبيت الودجز اكثر
الواحد ياكل ساندوتش، حجمه اصغر من صب واي الكامل بشوية
الجيعان يدعس
سعر الساندوتش تقريبا ٢٥ ريال، والمقبلات ١٥ و ٢٥ ريال
كل ساندوتش او مقبلات محطوط في علبة كرتون مرتبة وجودتها عالية، حفظها للحرارة عادي، ومحطوطين في كيس مغلق من المطعم للحماية
طلبنا عن طريق التطبيق الخاص بالمطعم، جدا سهل في الطلب ومرتب، والدفع برقم البطاقة، تكلفة التوصيل ١٥ ريال، كريم مجانا وتويو ١٤، بس حبيت اجرب توصيل المطعم نفسه مع انه اغلى، وكان سريع وصل تقريبا في ٤٠ دقيقة
التطبيق يحتاج اضافة خدمة تتبع السائق غير كده ممتاز
** لو مشتهي ساندوتش دسم ولذيذ، حيعجبك العيش والفيلي لحم حق دانك، بس ترى الاكل يعطّش وشوية مزيت، لكن لو تبغى ساندوتش عشان تخفف في الاكل شوفلك محل ثاني
عن نفسي اكيد حيكون في تجربة ثانية، ابغى اجرب العيش الاسمر، والعيش اللي بدون لب، وكمان البريسكت والفيلي الدجاج
اللي جرب دانك يجاوب، العيش حقه يذكركم ب ايت مطعم ؟ كان يعمل عيش مخصوص للهوت دوغ
اكلك في بيتك جدة مطعم مطاعم توصيل ديليفري اكل جيعان جوعان كريم هنجرستيشن تويو وصل لقمتي ساندوتش
‏ jeddah restaurant delivery food hungry careem careemnow hungerstation toyou wssel lugmety sandwich

 






اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *