تجربتنا اليوم شوية مختلفة، بدل محلات الحلى قلنا نجرب حلى منزلي

تجربتنا اليوم شوية مختلفة، بدل محلات الحلى قلنا نجرب حلى منزلي

 

تجربتنا اليوم شوية مختلفة، بدل محلات الحلى قلنا نجرب حلى منزلي
تمريتي tamreyaty
لهم اكثر من سنتين في المجال، موجودين في جدة وفي دبي، متخصصين في الاكل الحجازي، من ارزاز وفتة وسمبوسة، وعندهم انواع بسبوسة بالاضافة للبيتيفور والمعمول
طلبنا كان عبارة عن صينية بسبوسة بالقشطة
البسبوسة طعمها جدا جدا لذيذ، تعتبر من البسبوسة السميكة، نفس بسبوسة البيت، مو نحيفة زي المحلات او البسبوسة المصري، حشوتها جدا مليانة، وتوصلكم البيت من الفرن عالسفرة حارة ولا اروع
الافضل تستنو عليها تبرد شوية عشان تتماسك وتنشف وما تحسو انه ناقصها تستوي زيادة، بس صدقوني ما رح تقدرو تمسكو نفسكم وحتلاقوها شوية طرية من النص بس طعمها فنان، الحلى منها فيها، ابدا ما تحتاج لا شيرة ولا اي شي
بس تحتاجو جنبها قهوة او موية عشان تكسر الحلى
الصينية اتوقع تكفي ٢٠ شخص بالراحة
الجيعان يدعس
الطلب عن طريق الواتساب، رقمهم مسجل في حسابهم وتجاوبهم جدا سريع، الافضل الطلب قبل المناسبة بيوم اقل شي، ولكن لو مستعجلين احتمال يكون في امكانية عندهم في نفس اليوم
الصينية كانت زجاج بيضاوية، حجمها كبير، مغلفة بقصدير، ومحطوطة في كيس بلاستيك عادي، وزي ما قلتلكم، وصلتنا من الفرن بحرارتها
تكلفة صينية البسبوسة بالقشطة ٢٣٠ ريال (شاملة الصينية)، ممكن البعض يشوف انه شوية مرتفع، لكن للامانة بكميتها وطعمها اللذيذ تستاهل كل ريال
للاسف ما عندهم توصيل، بس تقدرو تستلمو بنفسكم من موقعهم في حي الشاطئ، او عن طريق المناديب، احنا اول مرة نجرب خدمة فزعة من هنجرستيشن
تكلفة التوصيل تقريبا ٢٥ريال وسريعين جدا في التوصيل
** لو عندكم عزيمة وحابين توجبو مع الناس وتجيبو حلى يبيّض الوجه، جربو بسبوسة القشطة حقت تمريتي، ملتزمين جدا بالمواعيد، بس عليكم تدبرو التوصيل، مرسول كويس وممكن تجربو خدمة فزعة من هنجرستيشن
تحبو تشترو من الأسر المنتجة ولا تفضلو تتعاملو مع المطاعم ؟
اكلك في بيتك جدة مطعم مطاعم توصيل ديليفري اكل جيعان جوعان كريم كريم ناو هنجرستيشن تويو وصل حلى بسبوسة
‏ jeddah restaurant delivery food hungry careem careemnow hungerstation toyou wssel dessert

 

الموضوع منقول







انتقل إلى أعلى