تجربة لمحل اكياس جمبري يعتبر الى حد ما جديد، موجود في
تجربة لمحل اكياس جمبري يعتبر الى حد ما جديد، موجود في جنوب جدة في حي الفيحاء
شرمبو الحوت shrimpoal7ooot
تجربتنا كانت على مرتين
طلبنا وجبة اقتصادية (جمبري كيجن مع رز وبيبسي)، كيس مكس وكيس جمبري (ليمون بالثوم)، كيس جمبري كريمة، وجربنا جمبري سيريه اللي يتميزو بيه
ولا تنسو بيبسي
الوجبة الاقتصادية يعني جمبري حبات اصغر شوية، وسعرها ٥٥ ريال، ويعتبر سعر منافس في السوق
بالنسبة للجمبري العادي حجمه جيد، تقشيره سهل، الحبة تجي ماسكة نفسها، وشوية أنشف من بعض المحلات
الكيجن طعمه لذيذ وكمية الصوص كبيرة، ونفس الشي بالنسبة لليمون مع الثوم
سيريه الجمبري تجربة جديدة، ٩ حبات جمبري حجم متوسط الى صغير، مع رز، النكهة حقيقي لذيذة، بس المشكلة في البيت وصل بارد ودا أثر على الطعم شوية، يجي مع بودرة فلفل وصوص لذيذ
الرز يستخدمو البسمتي مو المصري زي باقي المحلات، بس طعمه كمان كويس ومختلف
جمبري الكريمة طعمه ماشي حاله، بس في افضل منه
كيس المكس فيه حبة لوبستر، ٣ كراب، شوية جمبري ومحار، صوص الليمون كانت كميته جدا قليلة مقارنة بحجم الكيس، ف الاكل ما اتشبّع بالنكهة، واللوبستر كان محتاج يستوي شوية زيادة في تجربتنا
حجم الذرة اصغر من حجم المحلات الثانية، وطعمه عادي
والبطاطس كمان عادية
سعر الكيس ٦٥ والمكس ٩٥ اما السيريه ٤٩ ريال
الواحد ياكل كيس الى كيسين
الجيعان يدعس
كل كيس محطوط في علبة كرتون خاصة بالمحل، وكل شي في كيس ورق مغلق من المطعم للحماية
الطلب كان عن طريق المطعم، للاسف مو موجودين في تطبيقات التوصيل حاليا، تكلفة التوصيل من المطعم على حسب الحي، انا دفعت ٢٥
** صاحب المطعم، انسان محترم وخلوق ويهمه رأي الزبون
ودا كان سبب التجربة الثانية اللي لاحظنا فيها تعديلات واضحة لبعض الامور
*** وجود المحل في الجنوب ممتاز لسكّان المنطقة، الليمون والكيجن والسيريه احسن شي عندهم، ما جربت الافريقي، انصحكم باكياس الجمبري مو المكس، واكيد الاكل في المطعم حيكون افضل، الطلب من المطعم او مرسول
يلا اعطونا اسماء محلات اكياس جمبري تنافس الاسماء الكبيرة
اكلك في بيتك جدة مطعم مطاعم توصيل ديليفري اكل جيعان جوعان مرسول جمبري