جوت كوكيز محل got cookie في جدة

جوت كوكيز محل got cookie في جدة

تجربة جديدة لمحل الكوكيز
got cookie
المكان جميل ما شاء الله زحمة
ريحة الكوكيز مميزة و الطعم يجنن يدوب في الفم
طلباتي
كوكيز
آيس سبانيش لاتيه
تجربة رائعة و راح تتكرر الزيارة كثير ان شاء الله
gotcookiesa

 

الذ كوكيز في جدة بالنسبة ليا، عندهم نوع واحد من الكوكيز ومشروبات قهوة بس.

في موسيقى
مافي بارتشن
مسموح دخول الاطفال
ممنوع التدخين
جلسات داخلية فقط
دور واحد افراد وعائلات
الخدمة ٩/١٠ سريعين مرة
النظافة ٩/١٠
الاسعار متوسطة

الطلبات:
كوكيز ٩/١٠ جربت عندهم الكوكيز بس ما جربت القهوة لين دحين لكن الكوكيز يفوز حبيت انو طعمو يشبه بسكويت الزبدة ومليان حشوة شوكلت واكيد انو دسم مرة ف قطعة وحدة تكفي وزيادة.

-يكون زحمة مرة فالويكند وممكن يكون في لاين لكن حتى فالزحمة كانو سريعين فخدمة الزباين.

ملاحظة✨: هذا الرأي هو رأي شخصي فقط و”لولا اختلاف الاذواق لبارت السلع”.

الكوكيز تبعهم ادمان ماشاء الله ولذيذ وفيه شبه من كوكز CREME المشهوره بلندن والموجوده حاليا بالرياض .
الطاقم لطيف وبشوشين والخدمه سريعه.
الاسعار تعتبر فوق المتوسطة ولكن يستحق التجربه.

اطعم والذ كوكيز في جدة نوع واحد بحجمين الحجم الكبير يباع بالحبة وسعرها 15 ريال الحجم الصغير يتباع بالدرزن 146 ريال طبعا الكوكيز محشو بالشوكولا البلجيكية المميزة الموظفين مبتسمين على الدوام سرعة الطلب واستلامه حتى بوجود الزحمة

متجر للكوكيز.. طلبت ٥ حبات تجي بكرتونة ب٧٥ريال..

متجر مرتب واستقبال لطيف من الفلبيني مايكل..

تجربة أولى وطعم الكيك لذيذ بطراوة وهو ساخن..

مرحبابكم 👋
تجربة جميلة للمكان
عندهم الذ كوكيز ممكن تذوقه وهش جدا وغرقان شوكلت

المحل ديكوره جميل ومريح للعين
عندهم جلسات داخلية وخارجية

عندهم نوعين
ميني كوكيز وأقل طلب 16 حبة 164 SR
او
كوكيز كبير 15 SR هو الاكثر شعبية
بصراحة واحد منه يقفل على نفسك من كثر الحلى الي فيه

الجميل عندهم الكوكيز بتشوفه بيتحضر قدامك وبيعطيك هو سخن

عندهم قهوة باردة وحارة

الاسعار اشوفها نوعا ما مرتفعة على حبة كوكيز

الخدمة سريعة

ينصح بالاكل بنفس الوقت حتى تذوق اللذاذة فعلا

واكيد مهي اخر زيارة ان شاءالله وبالتوفيق لهم

اولاً محلهم مرا كيوت و الكوكيز حااالي بزيادة ماتقدري تكملي الحبة لحالك من كبر الحجم وتجربتي كانت موفقه للامانة اذا تشتروا خذوا كل شخصين بكوكيز وحده يكفيكم ..🤣👌🏻 آما عند قهواتهم جربت ٣ انواع اولهم الكابتشينو لذيذ و سبانيش لاتيه بارد كمان لذيذ ولايفوتكم يلي تحبوا شي بارد مع حالي ، لكن المشروب الثالث للاسف لاتيه بارد خيب ظني .. يسمح للاطفال بالدخول والمحل كيووت جداً صغير جلساته يا دوبك تكفي كم طاولة يعني مو مجال تجلسوا الا للي مرا مضطر يجلس فيهم

مكان رائع ونظيف خاصه الأخ محمد الحبيشي أخلاقه جميله ومبتسم طعم الكوكيز با الشوكلاته مميز الحبه الكبيره ب ١٥ ريال والصغيره لاتباع الا با الصندوق ١٦ حبه ١٦٤ ريال غاليه جدا يعني الحبه ١٠ ريال والقهوه مميزه ويوجد مطبوعه اسم المحل على التيشيرت للعرض لايباع با الحقيقه محل مميز انصح بزيارته

الكوكيز طيبه مختلفه عن الانواع المنتشرة

الحلو فيا مقرمشه من برا طريه من جوا من دون ما تكون معجنه، ومعبايه بالشوكولا

نعم الحجم كبير بس بعتقد هالشي ما بغير انو السعر يعتبر مرتفع

اول ما فتحو جيتهم ورجعت بعد ما شفت الزحمة واخيرا اليوم جيتهم وجربت الكوكيز تبعهم وما كان في زحمة وكانو سريعين في التحضير
اتوقع اخر وحدة تجربه😂
من كثر تصوير الناس ومدحهم فيه مرا كنت متحمسة له
الكوكيز لذيذ وتاخدو وهوا حار والشوكولاتة مليانة ودايبة بس دسمة للغاية
بس مو الطعم الي كنت متخيلته من كلام الي جربوه


مافي انواع تانية للكوكيز نوع واحد بس حجمين
الحجم الكبير الحبة ب١٥ ﷼
الصغير لازم بوكس ب ١٤٦ تقريبا مو متذكرة مزبوط
السعر جدا مرتفع صراحة
ومافي انواع للكوكيز تانية
المحل جميل ورايق وتعامل العاملين جدا راقي 🌹

توقعته مميز من الصجه اللي سارت عليه
لكن ما عنده الا نوع واحد بحجمين مختلفه
الكبير ب ١٥ ريال للحبه ما يحطها بكرتون الا اذا اخذتوا اربع حبات

الكوكيز عادي جدا مليان شوكلاته القطعه الكبيره تكفي شخصين بالراحه و زياده
والناس اللي تحب الشوكلاته بكثره بتحبه .
الكابتشينو عادي

ما بكرر الزياره لانه بعيد عني وثاتي شي مافيه شي مميز .
لكن ريحة طبخ الكوكيز والزبده بالمكان تهبل للامنه مابغيت اطلع بسببها

اختيار لون المكان مميز و فنان (هادي ومريح للعين وملفت) المكان صغير ولكن منظم، نوع كوكيز واحد بحجمين: الكبير والصغير كبار ما شاء الله ومحشوة شكوكولاه من قلب👌🏾تقدم فريش ساخنه و الطعم جيد،، قهوه مختصه لذيذه ✨✨
مهتمين بالباكجينق سواء للكوكيز او القهوه
موفقين

ديكور المحل ولونه ياخد العقل😍😍 حبيت كمان انهم عاملين تيشرتات باسم المحل 👍شي جديد وغريب
قهوتهم لذيذة صراحة وتمخمخ
اما الكوكيز حبيت حجمه وشكله وانهم اتفردوا بصنع منتج واحد لكن طازة ولذيذ وحار
انا انصح يتاكل في نفس المحل بس الله يعينكم ع اللغوصة😅 شي واحد بس ينتبهوا عليه وهو يكون في واحد بس لنظافة الكراسي (من دعسات جزم الاطفال) والطاولات لان في ناس تاكل وتوسخ وما تشيل ولا حتى تكلف على نفسها تلم 😓
غير كده كل شي تمام وان شاءالله يستمروا بنفس المستوى ونتمنى لهم الأفضل😊

المكان صغير وجلساته مو مريحه هذا عيبه
بالنسبه للكوكيز الذ كوكيز ذقته ف حياتي بدون مبالغه محشي من قلب وطري جداً يذوب بالفم 🤤♥️♥️
القهوة لابأس فيها

اللي يحبون الحلا وكثرة الشكلاته بيعجبهم
لأنه دسم جداً مليان شكلاته وزبده
انا اعجبني 🤤
صح انو بعيد كل البعد عن انو كوكيز لكن عموماً لذيذ
لكن اسعارهم جداً مرتفعه

عندما تكون للشوكلاته والكوكيز عنوان فهذا المحل عنوانها حيث الكوكيز الساخنه اللذي يأخذك في عالم النسيان بمن حولك فشكراً للقائمين على هذا البراند الجميل وصحيح ان الأسعار مرتفعه قليلاً بس يستاهل ومحل متخصص في الكوكيز وأنصح به وسأكرر الزياره

من الرياض الى جدة تم افتتاح قوت كوكي تريستي
‎في شارع الامام مالك ، حي الروضة
gotcookiesa
‎يقدم الكوكيز محشي جالكسي فرش من الفرن ‎لذيييييذ من الذ انواع الكويكز اللي سبق وجربتها
‎ويقدم قهوة ساخنة وباردة ☕️
‎ المكان لطيف وبسيط
‎الاسعار:
‎-الكوكيز الواحد ب15ريال
‎-البوكس 75ريال

الخدمة ١٠/١٠
السعر ١٥ ريال
الطعم :
حبيت نوع التشوكلت بلجيكي ومميز ولزيز
الكوكيز حجمه كبير ويشبع وحتى يمكن ماتقدر تكمله مره وحدة
الطعم جيد جدا ويستحق التجربة
المحل صغير والزحمة خفّت وخدمة سريعة

من الذ محلات الكوكيز اللي جربتها
يستحق التجربة والاستمتاع بكل لحظة معاه
كل شي فيه مميز
الطعم
الليونة
الهشاشة
الشكولاته المحشية
بإختصار
اشتريه وعيش المتعة
يستحق التوصية عليه واتمني يستمر بهذا التميز
لكن اتمني مراجعة الاسعار بأنها مرتفعة نوعاً ما
اتسجل في القائمة المفضلة عند كل زيارة لي لجدة

تجربتي له ما ندمت عليها لأنو بصراحه جداًاً طِعم ويجي حااار والشوكولا ذااايبه والحبه ماشاءالله تكفي شخصين وفيه منه حجم صغير وكمان جربت قهوه كورتادو كانت شوية مُرّه …. ديكور المكان ولونه مررررا حبيييت😍😍

مكان لطيف هادئ جميل ظريف ” كيوت مرا “

الطلب عبارة عن حبة كوكيز 🍪
للأمانة شئ رائع ولزيز خصوصا لو اخذتوها طازة من الفرن
حجمها كبير وطرية ومحشية شكولاته بذمة وما انصحك تاكلها في السيارة زي ما انا سويت لان ملابسي غرقت في الشكولاته 😂

هل الكوكيز لزيزة مرا للدرجة هذه ولا انا كنت جيعان واكلتها طازة تذوب وذوبتني معاها مدري بس الخلاصة لزيزة وانصح عشاق الكوكيز يجربوها و

شكراً غوت على الكوكيز اللطيف ..

😍صراحه الكوكيز لزيز ويجي حار وذايب
لكن مشكلتو دسم شويه والشكولاته زايده لو يخففوها افضل

طلبت فلات وايت مع الكوكيز مره كان لزيز وممتاز
الستاف لطيفين وخدمتهم حلوه

كوكيز لذيذ، هش وطري 🤩
احلى شيء، تاكله وهو حار 👍🏻
الشوكلاته، سايحه 😍
والمكان جميل وملفت
مناسب للاطفال والعائلة ☝🏼

بصراحة الكوكيز لذيذ وحجمة كبير وسعره معقول ب 15 ريال
البوكس ما اخذته لان حسيت شويتين غالي والكمية كثيرة وما احتاجها
الكابتشينو لذيذ كريمي
اشكر الاستاذ محمد الحبيشي على سرعة انجاز الطلب مع انه زحمة وكذلك اتقانه في صناعة القهوة

ويشهد الله اني رجعت من اخر الشارع اخذ كوكيز ثاني من لذاذته

لذيذ طعمه استثنائي اتحدى كوكيز تاني بهذا الطعم ولكن ..
إذا فكرت تجرب الكوكيز في المكان فهتكون تجربة غير لطيفة ابدا …
للأسف الظاهر انهم مصممين المكان عشان تاخذ الكوكيز تيك اواي ..

بس مو مشكلة ابدا لان الكوكيز حتى لو كان بيتك بعيد بيوصلك فريش وساخن ولذيذ اتذكر لمن كنت أداوم في العيادة في الليل كنت اطلبه تقريبا كل ليلة هم في الروضة انا في حي الجامعه ويوصلني الكوكيز يجنن وسخن وطعم الخبز فيه …ايش تتوقع اكيد هيكون مختلف لأنهم بيخبزوه عند الطلب .. آآخ 💔 وحشني والله 😋😋

من الاماكن اللي كنت انتظر الزحمة تخف عشان اجربو اخيرًا😁
على قد ما سمعت انو دسم وطلع فعلًا دسم للناس اللي ما تحب منظر الشوكلت اللي يسيح كثير ف ما اتوقع حيعجبكم
يحتاج معاه مشروب يكسر الحلا الزايد اللي فيه بس عموما كتجربة مش سيئة بس ما توقع ارجع له ثاني
تعامل الموظفين مررن جدا وسريعين وكلو فرش وطري مو قاسي ابدا وهذا اكثر شي اعجبني🤩

اطعم كوكيز ف جدة بنسبه ليا مرهه بطل يفوز العجينة حقت الكوكيز تجنننن والحبة تكفي شخص احلا شي فية انو يجيك حار ومرهه طعمم حرفيا والله وبخصوص الي يقولو السعر غالي لا اشوف مناسب لا غالي ولا رخيص حقو الاشكاليه فية الناس الي يقيمون مايعرف انو صاحب المحل عندو رواتب عمال منتجات ايجار محل سكن عمال مواصلات للعمال الا اخر…. الناس ماتحسب حساب هذا الشي صح سعرو مرتفع شوي بس بنسبه للجودة يعتبر جداا ممتاز وانا والله ماعرف صاحب المحل ماقول غير الله يرزقو ويرزق الجميع ويوفقو.👍🏻

والناسس اذواق ممكن انا عجبني غيري مايعجبو🌹🌹

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *