تجربة أخرى لحساب كوكيز له في السوق اكثر من سنتين rmbakery





تجربة أخرى لحساب كوكيز له في السوق اكثر من سنتين rmbakery

 

تجربة أخرى لحساب كوكيز له في السوق اكثر من سنتين
rmbakery
بوكس مشكل ١٢ حبة
(نوتيلا – جالكسي – كندر – دبل شوكلت – سنكرز – تويكس)
اخر صنفين تعتبر مميزة عندهم ونادرا ما نشوف احد يخرج عن النكهات المعتادة ويبدع
على البوكس كاتبين انه ينصح بالتسخين ١٥ ثانية
واحنا جربناه من البوكس على طول وبعد التسخين وبعد يوم
الكوكيز يعتبر من نوع الكوكيز السميك، قوامه أقرب للكيك، حشوته مليانة، مافيه زيت كثير، والحلى موزون، يعني ما يشرخ الحلق
بدون تسخين يعتبر كويس، لكن مع المايكروويف يذوب في الفم ويصير ألذ
أكثر نوعين عجبوني الجالكسي والتويكس
التويكس فيها ميزة البسكوت يعني قرمشة، شوية كراميل ف ما تكون مرة حلوة، وحاطين شوية ملح فتصير كانها سولتد كراميل
عملنا اعادة تقييم للكوكيز ثاني يوم بنفس الطريقة، وما كان في تغيير كبير، الكوكيز نشف شوية مو كثير، ومع التسخين كأنه جديد
الواحد ياكل حبتين من الحجم العادي
الجيعان يدعس
قبل يومين أعلنو عن الباكجنج الجديد، عبارة عن علبة مرتبة عليها الشعار، خطوة جميلة منهم، يمكن الأفضل لو تكون مغلفة تغليف حراري، لكن بداية موفقة

الطلب عن طريق موقعهم الالكتروني، جدا مرتب وواضح
او ممكن تتواصلو معاهم على الواتساب (الرقم في البايو)
التوصيل عن طريق مندوب، لكن ما شاء الله مع كمية الطلبات، موعد التوصيل غير مضمون للأسف
والحق يقال (لما اتأخر الطلب كثير، ما حاسبونا عالتوصيل) وهذا يدل على اهتمامهم بالزبون
** نوعية الكوكيز مشابهة ل ريناز اللي عملته تقييم قبل كده (كوكيز سميك) يتميزو عنهم في تنوع النكهات ودا شي يعطيه افضلية بالنسبة ليا، لكن ريناز يمتازو بكثرة المناديب وسرعة التوصيل مع تواجدهم في مكة والطايف
اذا انتو من عشّاق الكوكيز السميك، راح يعجبكم
ممكن مرة نجيبهم في نفس اليوم ونقارنهم ونشوف مين افضل، ايش رايكم ؟
اكلك في بيتك جدة مطعم مطاعم توصيل ديليفري اكل جيعان جوعان كريم كريم ناو هنجرستيشن تويو وصل كوكيز
‏ jeddah restaurant delivery food hungry careem careemnow hungerstation toyou wssel cookies

 





اترك تعليقاً

لن يتم نشر عنوان بريدك الإلكتروني.

انتقل إلى أعلى