-تابع – اول ما دخلت مخيم مزدلفة طلع انو المخيم

-تابع – اول ما دخلت مخيم مزدلفة طلع انو المخيم

 

-تابع –
اول ما دخلت مخيم مزدلفة طلع انو المخيم بدون سقف يعني بالعراء حنام و ماشاءالله العدد كبيير داخل المخيم كل الحمله تقريبا عدد النساء بس 700-800 كلنا بمكان واحد مسور فافتكرت كلام الداعيه يوم قالتلنا يوم 8 انو بتدخلو مخيم مزدلفة وراح تنصدمو !
بس لاتشيلو هم اي شئ
مجرد ما تحطو راسكم ع المخدة بدون ما تحسو حتنامو ! و بدون ما تحسو حتصحو على الساعه 2:30 و حصل اللي قالته ماحسيت بنفسي الا وانا نايمة و ماحسيت بنفسي الا وانا صاحية على 3:30 على صوت المشرف يقول انو التفويج بدأ
استعدينا و خرجنا وقفنا في سرا لتفويج الحملات لكن طلع انو مخيم حملتنا بمزدلفه ابعععد شئ
و قدامنا مخيمااات كثيرا !
كل مرا ينزلو و يقدمو و احنا موقفين بنفس مكاننا ! فخالو اقترح انو نخالف مسار الحملة و خرجنا وراه و عدينا الحملات xD (خالفنا استغفرالله ) الين وصلنا للقطار و من القطار الى الجمرات رمينا الجمرة الكبرى و رجعنا ع المخيم على 6:30 الحمدالله
ولاقيناهم مبخرين المخيم بالعود و يوزعو شكولاتات ع الحجاج و معرشين المخيم باللمبات (احتفال بالعيد )
و في ليل جابو كيكة و عربية كشري و ميز حلا اليوم اللي بعدو يوم 11
اول ايام التشريق
قلنا نروح نرمي من العصر لانو الظهر شمس
و اول مانزلنا قالولنا اول ما تروحو للجمرات ارمو من تحت مو من فوق عشان تتجاوزو الزحمه
فما شاءالله صح اعداد كبيرة من الحجاج لكن مع التنظيم مرا ماتحسي بالزحمه و مكان الجمرات ادوار فاول ما يزدحم دور يفتحو اللي فوقه اول ما انتهينا من رمي الجمرات ال3 و اتجههنا للمخيم امطرت و ارعدت ‍♀️ و انا حضرتي جايه بشوز سكتشرز >> تخيلو للان مانشف << يا انو شرب موية ! فعن جد اللي بيروح الحج ياخذ احتياطة انو الشوز ضد الموية او ما يكون قماش اقلها ! + ياخذ شبشب للمشي بالمخيم (عدت كتابة الملاحظات ) ماشاءالله امطرت علينا 3 ايام بالحج ! كل مرا افتكر اللي قالولنا حرر الان ليه بتطلعو دي السنه ! سبحان الله كيف رحمه ربي وسعتنا و غيم علينا الجو فالحمدالله انو ربي كتبتلنا الحج و يسرلنا هوا طيب اممم اللي يسألو عن الحملة حملة الوفاء الحديثة (فئة أ) و رقمهم // 0505690912 حسابهم بالتويتر // Alamwafa haj حساباتهم ما يصور شئ ! ماهم مهتمين فيه ! قبل لا نطلع للحج جلست ابحث عن الحمله كل شى مبهم ! فعشان كدا قلت حصور لقرايبي و صحباتي ودامي صورت قلت خلاص حنزل بالانستا للجميع ربي يتقبل مننا و يجعل حجنا هذا حج مبرور يارب ♥️

 

الموضوع منقول





انتقل إلى أعلى