بوست بناتي مثل ماوعدتكم من فترة بختبر ثبات هالمنتج و

بوست بناتي مثل ماوعدتكم من فترة بختبر ثبات هالمنتج و 1

بوست بناتي مثل ماوعدتكم من فترة بختبر ثبات هالمنتج و

 

بوست بناتي
مثل ماوعدتكم من فترة
بختبر ثبات هالمنتج و أكتب لكم تقييم حسي لمواصفاته كاملة
هذا روج هو من مجموعة الشتاء، لونه مميز جداً و ملمسه ع الشفايف خرافي رقمه 840

خلونا نتكلم عن الدرجة اللونية
اللون الأساسي برتقالي، اللون الفرعي احمر
برتقالي مُحمَر ❤
بس فيه بين اللونين توازن مخلي اللون يبرز بطريقة طبيعية جذابه
الدرجة تعتبر فاقعة، مو خيار لروج يومي للصباح والعمل
أنسب للمناسبات الرسمية لانه لون قوي و واضح و ملفت جدا

رائحة ارواج ديور مميزة جدا
و دايم تذكرني بطفولتي لما كنت اسرق ارواج الوالدة و العب فيهم (و انضرب لما تكتشف طبعا )
ارواج ديور و كثير ماركات قديمة تتميز بروائح ورود و بودرة و إيحاءات مسك وشوي فانيلا (لو عندكم شانيل او ديور روحوا شموهم الحين )

نجي نتكلم الآن عن أهم مواصفات الروج
الملمس، الثبات، أدائه على الشفايف
هذا روج مات -مطفي بدون لمعة
تتميز هذي الارواج عادة بثباتها، لكن تعدم الشفايف وتنشفها و تشققها، صح؟
طيب، هذا الروج فيه كمية ترتطيب مو عادية
أثناء الوضع بتلاحظون كيف انسيابيته ونعومته، يتزحلق بسهولة على الشفايف – بتحسون انه روج لامع بالبداية من كثر رطوبته ونعومته
طول ماهو على الشفايف مارح ينشف، بتحسون بروج رطب، لكن في الواقع هو روج مطفي

الثبات،
ثابت جدا، مايحتاج إعادة وضع إلا في حال الأكل والشرب يحتاج اعادة في وسط الشفايف الداخلي
مسحه سهل بمزيل المكياج، مايبقي آثار حمراء مثل بعض ماركات الارواج إزالة هذه الألوان صعب و يترك أثر
هذه الفقرة خاصة لحبيبة قلبي منيرة ، لانها طلبت اني اتكلم أكثر عن الالوان في تقيمي الحسي للمنتجات – هذا اللون يناسب مين؟
بوجهة نظري، يناسب جميع درجات البشرة لانه لون أساسي و درجته ماتظلم أي بشرة بالعكس تضيف لها طلة و رونق
و عشان ما اكون اقول كلام ماني متأكدة منه
دخلت على صفحة ديور الرسمية و طلبت اني اشوف اللون على بشرات مختلفة وبالفعل رأيي طلع في محله ➡️ لفوا الصورة وشوفوا بنفسكم
طبعا لاتنسون، انا قيمت لكم المنتج من ناحية خواصه الحسية اللي موجودة في المنتج بإستخدام الحواس
النتيجة النهائية تختلف من جميلة للثاني حسب روتين عنايتها بالشفايف

 

بوست بناتي مثل ماوعدتكم من فترة بختبر ثبات هالمنتج و 1




انتقل إلى أعلى