بنق بوكس جدة

بنق بوكس جدة

 
تغطية اليوم جايتنا من نيويورك لجدة 😍🇺🇸 ✨
 
اسم المكان ؛ (بنق بوكس)✨
 
الموقع📍
شارع الامير سلطان- شرق دوار القبضة
 
 
معلومات عن المكان‼️
مكون من دور واحد
لايوجد بارتشن
يوجد موسيقى
يسمح بدخول الاطفال
 
 
 
الطلبات✨
١/ كريم الثلج بنكهة الشوكلاته/٢٩ ريال
٠
اول شي حابه اتكلم عن المنيو والنكهات اللي عندهم😍
النكهات اللي عندهم مختلفه وغريبه بس للامانه تستحق التجربه🤤😍
المكان جدا كبييير ويفتح النفس تخيلته بالشمس حيكون خيييالي😍🌞
 
بكل تأكيد حكرر التجربه ان شاءالله🤩
 في شي لازم اذكر خدمتهم واخلاقهم فوق الذوق يعطيهم الف عافية👏🏻💕
 
التصوير كان سريع ..

 

تجربة لذذذذيذ وجميلة جداً
الايس مريم كان مجروش وطعمه رااائع مانفع بصيف جدة الا هو 😋😋
يبرد ع القلب بطريقة لذيذة وتطرب الحواس 🤤
أهم شي اختار مكونات تحبها علشان تعيش التجربة صح 👍🏻
طلبت من المنيو الايس شوكلت
واخترت الاضافات


وسألت الكاشير عن المشروب السقنتشر عندهم
قالي ايس ميلك
وطلبته وكان مليان زبيب ” كثير يحبوه لكن ما أعجبني ☹️ وطلبته يشيله لي وكان جداً متعاون واعطاني بداله جديد 👏🏻👏🏻
—-


الايس كريم طلبت ميكس
قال مافي الا شوكلت وفانيلا فقط
مانجو مخلص اوريو مخلص! كلنت الساعه 4 ونص العصر بداية اليوم 😅
لذيذ الايس كانه حق سيارات زمان

مره حلو وانبسطوا الصغار اهم شيء ..

الآيسكريم مميز خصوصا الشاهي التايلندي، لاتيه الماتشا طعمها قوي زيادة، يعيب المحل صوت الأغاني المرتفع جدًا وعدم قبولهم خفض الصوت.

تعديل التعليق السابق:
تمت الاستجابة لخفض صوت الموسيقى نشكر أصحاب المحل كثير الشكر والصراحة أنه صار محلنا المفضل فنحن مرتين في الاسبوع نشتري منه.
اللاتيه سواء الماتشا أو التارو أو غيره سكره خفيف ممكن البعض يشوفه بدون طعم.. أنصح محبي الطعم الحلو أن يطلبوا زيادة سيرب للاتيه، انا طلبت إضافة وصار ألذ جدًا.

في موسيقى
مافي بارتشن بس في جلسات فيها خصوصية
ممنوع التدخين
مسموح دخول الاطفال
جلسات داخلية فقط
دور واحد افراد وعائلات
الخدمة ٧.٥/١٠
النظافة ٨/١٠ كان في حشرات صغيرة تطير وكان واضح في اهمال شوية للمكان
الاسعار متوسطة

الطلبات:
شاي تايلندي ٧.٥/١٠
اولونغ داكن ٧/١٠
سنو كريم بنكهة حليب الشاي ٧/١٠

كنت متوقعة البابل تي والسنو كريم طعمهم حالي اكثر او الذ اكثر لكن كان مخيب شوية مو قد الشهرة لكن ممكن الخيارات كانت غلط لذلك بعيدها واجرب.

ملاحظة✨: هذا الرأي هو رأي شخصي فقط و”لولا اختلاف الاذواق لبارت السلع”.

الجلسات نظيفة ومرتبة المكان وسيع والاضاءة ممتازة

لكن تجربتي غير جيدة

بداية من موظف اخذ الطلب (فلبيني ) غير متقن واخذت وقت حتى افهم طريقة الطلب لاني اول زيارة وبلغتوا للاسف انها اول زيارة

اتاخر مره الطلب حسيت مو طالبة ايس كريم …

المهم رحت استلم الطلب كلو غلط المشكلة نفس الا اخذ الطلب هو الا سواه حط فانليا مع المانجو
وجوز الهند مع النوتيلا 😩
رجعت غيرت الطلب

الفانليا مره مو لذيذ فيه شيء مر حتى ابني الصغير ماقدر ياكل الايس كريم .. والنوتيلا كدا محطوطة فوقة بطريقة مو جميلة اطلاقا بالملعقة جالس يحط وهيا ثقيلة النوتيلا يعني فين العصار الا تحط فوقه!!!

المنيو غير واضح وفي اكثر من نوع !!!
الفرولة وجوز الهند جيد






بينج بوكس ماركة عالمية امريكية فتحت جدة شهر مارس ٢٠٢١ متميزين بمنتجات فريدة من الايسكريم
وهي ثلج الكريم
وعندهم مجموعة من النكهات تقريبًا سبع نكهات ثلج
التارو وهذي اللى مشهورين فيها والمانجو والفراولة والشوكلاته والماتشا وحليب الشاي والشاي التايلندي من ثم الاضافات عبارة عن فواكة و حلويات مثل المارشملو و الاوريو الخ
وعندهم مشروبات مثل الميلك شك و ببل تي الخ

جربت عندهم البيست زي ما هم مسمينه تارو سنو كريم
كتجربة جدا ممتازة
ينفع للعوائل والافراد
المكان فيه دورات مياة
يوجد جلسات داخلية وخارجية
يوجد مدخل لاصحاب الهمم
يوجد مواقف كثيرة
المكان كبير
الاسعار مرتفعة
موظفين سعودين وعرب وهذا شئ يجعل روح للمكان
لهم زيارة من ثانية بإذن الله نجرب منتج ثاني

عبارة عن تشكيلة من انواع الايسكريم والملكشيك، الايس تي
الشكل مغريي جدا …
الطعم اكثر من العادي ولايذكر
السعر عالي تقريبا
الطلب كان:
بانكيك… التقييم سيئ
ايسكريم بسكويت.. الطعم متوسط
الايس مانقو … مقبول نوعا ما
الايس شوكليت.. مقبول

التقييم العام مقبول.

اخذت ايسكريم كوكونت في كوب وايس كريم شوكولاته مع اضافات سعره ١٢ والاضافة ب ٢ او ٣ ريال، بعض الاضافات طلبتها ما كانت متوفرة بس بشكل عام الطعم رائع ويستاهل التجربة والنكهه واضحه بشكل حلو
المكان واسع وشرح وفيه جلسات داخلية وخارجية

+ شكل الملعقة لطيف بس اتمنى تغلفوها ببلاستيك او اي حاجه لان بعضها كان وسخ وفيه شعرات للاسف.

الطلب كراميل ميكاتو بارد والطعم خوووووورااااافي ذكرني ب كافيهات دبي والمطارات شكرًا على الاحساس الرائع ويارب نسافر سريع بس اللي وحشه السفر روح هناك وبرد قلبك حقيقي في قلبك موقعه ممتاز بجانب شريمب نيشن تنتظر دورك بالمطعم وانت تبرد وتروق عندهم نصيحة😎😁الموظفين بشوشين وخدمة رائعة وسريعة والمحل هادي ورايق👌🏻عن نفسي أكيد لي زيارة أخرى نجرب باقي المنيو😍💪🏻

المحل فرانشايز ومهتمييين بكل التفاصيل المكان والمينو متنوع ورائع
جيت عشان البوبا وللأسف انخذلت شوية
حبات البوبا نفسها شكلها يحززززن وقوامها حالته حالة احسهم يطبخونها بزيادة أو شيء
ألذ شيء كان التارو ببل تي وهذا يعتبر حاالي مافيه كافيين تقريبا نكهة ميلك شيك بسكوت اوريو كذا
وآزاك بلاك ببل تي يصحصح قوية مررررة نكهة الشاهي ناقصه حلا بالنسبة لي
كمان الايسكريم تجربة جديدة يجي مفتفت كذا كأنه جوز هند بس أعجبني لكن ما اعجب اخواتي

متعة انك تستكشف المنيو متعه مستقله لحالها.
كل نوع وصنف ووراه حكايه وقصه.

عندهم ٤ اصناف اكل، ايس كريم بنوعين مختلفه و شاي ياسمين غازي مع نكهات، و سموذي مع اشياء غريبه.

نصيحة اذا قرأت المنيو خلي معاك موظف أو جوجل وسوي سيرتش على اسم الطلبات الموجوده، اللي زرعه من اليابان كأنها ليمون، واللي اضافات بأنواع فواكه استوائيه مقطعه ماشفتها قبل كدا.

اتشرفت اني اكون مع موظف من عندهم يشرحلي كل شي بالتفصيل، ووعدته اعطيه رأيي، كان مشغول وانا رايح ما حبيت ازعجه.

لذيذ جدا وطعم.






لما يكون الاستقبال لطيف والخدمة حلوة والأكل معمول صح ولذيذ اكيد ترجع مرة ومرتين امس كانت زيارتي الثانية لهم خلال يومين الفرنش توست بالتفاح لذيذ جداً ومقرمش ويكفي اكثر من شخص وفاجئتني القهوة عندهم فعلاً لذيذة رغم انه يعتبر مو مختص في القهوة احب الأماكن اللي تقدم اختبارات كثيرة ولذيذة ترضي الأعمار كلها اذا تحب التجارب عندهم منيو لذيذ شكراً لهم حقيقي

في رحلة البحث عن افضل مشروب بوبا في جده ، جربت اكثر من محل واكثر من نوع ومن ضمنهم كان bingbox
من المحلات الي بدعت فيه وصنعته على اصوله ( كما في شرق اسيا بالضبط )
اخذت اكثر من نكهه من باب التجربه
بوبا مع تاي شاي مع سيروب سكر بني ٧/١٠ وزنية الشاي كانت ممتازه ولمن السيروب كان جدا ثقيل وقوي طبعا طلبي للسيروب كان على نصح وحده من صاحباتي وما اتوفقت فيها
بوبا تاورين البنفسجي ١٠/ ١٠ لزيز وفعلا نفس حق شرق اسيا بالضبط وزنيته ممتازه وكمية ممتازه انصح فيه بس للي جرب المشروب قبل
المكان جدا جدا جميل ومريح واجواءه حماسيه
الستاف بشوشين وخدومين وما عندهم مانع يذوقنا وينصحو ويتجاوبو طالما العميل مبسوط
بس عيبه يفتح ايام معينه في الاسبوع ومره متاخر١

صراحه تجربه رائعه وشي غريب ولذيذ ايس كريم مجروش يذوب بالفم تجربه جديده وشي غريب روووعه يعتبر نوعاً ما غالي بس شي جديد ولذيذ الايس كريم مرره عجبني وحبيته
والتوست بالعسل كمان كانت لذيذه وسعرها حلو مررره على حجمها كانت كبيره تكفي اكثر من شخصين والمكان مرتب وحلو رغم الزحمه كان التعامل رائع وبشوشين حبيت صراحه كل شي عندهم ولسى باجرب مشروباتهم باذن الله واكتب لهم يستاهلو بصراحه خمس نجوم رغم سعر الايس كريم بس برضو حسيته شي جديد ويستاهل التجربه

اول شي الله يباركلهم✨صراحة احييهم على الخدمة الممتازه 👏🏻😍 كل شي عندهم لذيييييذ يعني اطلبو وانتو مغمضين 👌🏻💜 خمس نجوم قليله في حقهم 👍🏻👍🏻






اترك تعليقاً

لن يتم نشر عنوان بريدك الإلكتروني.