بما أنو جدة حقنا ومكة جنبنا فحبينا ندخل مطعم في مكه

بما أنو جدة حقنا ومكة جنبنا فحبينا ندخل مطعم في مكه

 

بما أنو جدة حقنا ومكة جنبنا فحبينا ندخل مطعم في مكه في حسابي وما أحس أنو فيها مشكلة لأنو جدة مكة
ومكة جدة أتمنى تكونو فهمتو
تقييم اليوم وصلنا من حبيب القلب باشا مهندس wes w t
مناقيش بابا سنفور الموقع / مكة المكرمة – الفرع الاول / حي النزهة ، الفرع الثاني / حي الشوقية ، لا تدققوا في لوحة المحل مسكين السنفور انحرق من شمس مكة
بابا سنفور مشهور و معروف على مستوى مكة في المناقيش ، عجينتهم المستخدمة ممتازة و طعمها جدا لذيذ و طرية ، و المنيو عندهم مليان يخليك تحتار ايش تختار ، و ما يستخدموا في مناقيشهم جبنة العكاوي ابدا و دا الشي اعتقد انه سلبي بالنسبة للمطعم ، لكن يجي بدالها الجبنة البيضا اللذيذة جدا بطعمها الحادق ، و طلباتنا كالتالي :- ٤ مناقيش لحم بالجبن – سعر الواحدة ٦ ريال يعني المجموع ٢٤ ريال – ٨٥/ ١٠ – جدا طرية و لذيذة و لكن اعتقد شخصيا بأنه خلطة اللحمة تحتاج الى القليل من الملح حتى يتوازن الطعم و تصير النكهة قوية
٢ مناقيش جبن – سعر الواحدة ٥ ريال – يعني ١٠ ريال – ٩٥/ ١٠ – الجبن عندهم هوا نوع واحد فقط زي ما ذكرت فوق و هي الجبنة البيضا ، بصراحة جدا جدا رهيبة و لذيذة بطعمها الحادق و لما تكون ذايبة مع حرارة العجينة الطرية و انصح اللي ياكلها يشرب معاها كاسة شاهي احمر منعنش او عصير سنتوب و يصير الطعم عااااالم ثاني
١ لبنة بالزيتون – ٦ ريال – ٩/ ١٠ – يستخدموا لبنة بينار ، و طعمها في الفم مع عجينة المناقيش كلاااااام لا يعلى عليه و بالزيتون الاسود الشرايح و بكذا تكمل الفرحة في الاكلة الجميلة
٢ لبنة بالعسل – سعر الواحدة ٦ ريال – يعني ١٢ ريال المجموع – ٥/ ١٠ – طلبناها للتحلية بعد المناقيش المالحة الجميلة اللذيذة اللي طلبناها فوق ، و لكن للأسف كانت المشكلة الكبرى و المفجعة في طعم العسل اللي خرب الطعم كله ، كان غير محبب و غير مقبول ابدا ، تحس فيه طعم غريب الله اعلم ايش مصدره ، مع انه اللبنة فيها جدا لذيذة و رهيبة الا انه اخر مرة اطلبها بإذن الله
في النهاية :- طبعا الاسعار تعتبر جيدة جدا و يا حبذا لو كانت ارخص قليلا لكن مو مشكلة ، و اتمنى بصراحة يفتحوا فرع في جدة عشان يستمتعوا بيها اهل العروس ، و ميزتهم انهم يجلسوا الى اوقات متأخرة و بذلك يساعد على سد جوع اخر الليالي

 






اترك تعليقاً

لن يتم نشر عنوان بريدك الإلكتروني.