بسومة أختي من إجازة الصيف وهي تقول لنا تبدأ الأجواء تتلطف


Warning: Undefined variable $images_gallery in /home/611435.cloudwaysapps.com/kuqjuwqsge/public_html/wp-content/themes/astra-child/functions.php on line 46

بسومة أختي من إجازة الصيف وهي تقول لنا تبدأ الأجواء تتلطف

 

بسومة أختي من إجازة الصيف وهي تقول لنا
تبدأ الأجواء تتلطف بالقصيم من أكتوبر،،،
فودنا نجتمع باكتوبر،،
عشان تصير جلستنا خارجية ،،،،
أنا اضطريت أحفظ الشهور الميلادية بالترتيب و أحسّب لأكتوبر،،،
وكل مرة أسمعهن لبناتي عشان ما أنسى،،،
وأسألهن وأتأكد،،
كم باقي ننام ونقوم ويجي أكتوبر
ويجي (الاجتماع الابتسامي)
((ترى أمزح دراستي بالإمارات كلها بالميلادي ))
،،
،،
حبيبتي بسومة،،
تذكرين المقطع اللي انتشر قبل كم سنة،،،
وكانت وحدة تقول؛
((يعجز لساني عن الكلام
ريلي
بليف مي
آي دونت نو هاو آي تل يو))
بصراحة،،
أنا أمس حسيت إنها تمثلني،،
بالعادة أعرف أحتسي،،
أعرف أتشكر،،
أعرف أقول أشياء حلوة،،
لكني يوم بغيت أطلع
ما قدرت أقول شيء مفيد،،،
بس قلت؛
حفلتكم اتجنن
وطلعت،،
فعلاً مو قادرة أوفيك الشكر أنت وبنياتك
منيرة ومجودي وعذا وألوة،،
وحبايبي بل اصدقائي عمرو وعبدالله
اللي حتى الورد مقصصينه وحاطينه بسلتين صغار عشان يرمونه علينا بالاستقبال
ابتسامات وتضييف مهرة وعبدالرحمن ولينا الوطبان ،،،عيال منيرة،،،
فعلاً
طلعت الحرمة اللي بالمقطع معذورة وهي تقول ،؛
((آي دونت نو هاو آي تل يو ))
،،
،،
حبيبتي بسومة
هالحين ما أدري وش نبي نسولف به
أنا وبناتي،،
لأن لنا شهر بالضبط مالنا سالفة بالبيت
إلا الاجتماع الابتسامي،،
وش توقعون؟؟
ووش يبي يصير ثيم الاجتماع هالسنة؟؟
ووش تبي تبهرنا فيه من ضيافات؟؟
ومن يبي يحضر؟؟
ووين نبي نسكن؟؟
وكم يوم نبي نغيب قبله؟؟
وخلصت إجازة اليوم الوطني،،،عادي
أصلاً باقي لنا الاجتماع الابتسامي،،
ووش نبي نلبس؟؟
وأي شنطة؟؟
ووش يناسب مناكير؟؟
وترى نبي نقص أطراف شعرنا للاجتماع؟؟
،،
،،
حبيبتي
بسومة
أنعم الله عليك،،
وكثر الله خيرك،،
فرحنا مرررررررررة بالدعوة،،
ويوم جينا انبسطنا أكثر،،
حفاوة استقبالك،،
طلاقة محياك أنت وبناتك
وأصدقائي
الذوق والفخامة
والفن الجزالة،،
الأشيااء اللذيذة،،
الأجواء الحلوة،،
التوزيعات الكريمة،،
النفسيات اللطيفة،،
الأريحية،،
الثيم الوردي الرايق
بضيافتك
وتوزيعاتك
وحتى جلابيتك الوردية الناعمة،،
سعادة ضيوفك (اخواني وخواتي )
وبهجتهم وانشراح صدورهم
اللي جايين بكل فرحة من شرق وغرب،مكة والرياض وجدة والقصيم،،
وأحد جاي للاجتماع بالطيارة
وأحد بالسيارة وأحد بالقطار،،
كلها كانت أمور أكثر من رائعة،،
ماشاء الله تبارك الله،،
الله يحفظك ويوفقك
ويتمم عليك بالصحة والسلامة
والسعادة ويجزاك كل الخير،،
والله يسعدك أضعاف ما أسعدتينا اليوم
ويجعل اجتماعنا هذا في ميزان
حسناتك ويجعل العمرو ريزورت دائم وعامر على حالٍ يسرّ
،،
شكراً
بسومة،،

 

الموضوع منقول



انتقل إلى أعلى