مطعم وستر جدة

مطعم وستر جدةتجربة لاسم جديد منافس في برجر الدجاج المقلي

طلباتنا كانت برجر عادي وسبايسي وميبل، وجربنا كمان الستربس والبطاطس بالشيتوس
واكيد ما ننسى #بيبسي

نبدأ ببطاطس الشيتوس عشان دي حاجة مميزة عندهم، كمية الصوص والبطاطس والخلطة موزونة، وطعمها لذيذ تستاهل التجربة حتى من البيت كويسة
العيش في الساندوتشات يعتبر طري وجيد، والدجاج بشكل عام مقرمش من برا وطري من جوا، ونظيف ما تحس فيه زيت كثير
الدجاج في كل الساندوتشات نفس الخلطة والطعم، ويختلف في الصوص
ودا الشي شوية زعلني لانه كان نفسي السبايسي يكون نفس الدجاج متبّل تتبيلة حارة مو صوص سبايسي
عموما الميبل والعادي جيدين، السبايسي كده جي ضايع بين الاثنين بس طعمه كويس لكن ما اتوقع اطلبه تاني
من الاشياء اللي انا افضّلها ومالها علاقة بجودة الطعام، احب الخس اكثر من الكرنب، والمطعم دا يستخدم الكرنب ف دا شي ما ناسبني
التندرز كانت عادية جدا، وكنت اتمنى يكون عندهم صوصات زيادة الواحد يختار منها للتغميس

الواحد ياكل ساندوتش ويتشارك معاه طبق جانبي
#الجيعان_يدعس

الساندوتش ٢٤ريال والشيتوس فرايز ١٩ريال

كل وجبة في علبة كرتون مقفلة، ودا الشي يخلي البطاطس مرطبة شوية للاسف، الاكل كان في كيس بلاستيك مغلق من المطعم للحماية

طلبنا كان من تطبيق جاهز، الاكل وصل في سرعة جيدة وكان لسه دافي مع ان المطعم اكثر من ٢٠ دقيقة من بيتي

** للناس اللي تحب برجر الدجاج حيعجبهم المطعم، جربو الشيتوس، وانصح بالميبل او العادي، بلاش السبايسي، واتمنى يكون في اختيار خس بدل الكرنب او صوصات اكثر، والطلب حاليا من جاهز بس 👌🏻

ايش اكثر طلب عجبكم من ويستر 😋 ؟

انتقل إلى أعلى