بدأت حاليا تنتشر محلات الكنافة وتسوي مسابقات وعشان اقارن بينهم قلت

بدأت حاليا تنتشر محلات الكنافة وتسوي مسابقات وعشان اقارن بينهم قلت 1

بدأت حاليا تنتشر محلات الكنافة وتسوي مسابقات وعشان اقارن بينهم قلت

 

بدأت حاليا تنتشر محلات الكنافة وتسوي مسابقات
وعشان اقارن بينهم قلت لازم ابدأ بالاول
كنافة فاكتوري kunafafactory
طلبنا الكنافة المستطيلة، وحدة كلاسيك والتانية كندر
من ناحية الشكل الخارجي الاثنين زي بعض لدرجة اني شكيت يكونو غلطو في الطلب
الحشوة كانت قشطة، ومن برا مكس صوصات
الفرق في الكندر انهم حاطين كندر في الطبقة اللي تحت ف ما يبان غير لما تبدأ تاكل
بشكل عام الطعم كان لذيذ، الكنافة مستوية كويس وفي نفس الوقت طرية، والصوصات اللي عليها موزونة
الكندر حلاها شوية زيادة ف ممكن ما تعجب الكل، اما الكلاسيك مناسبة للجميع
الواحد ياكل نص الى حبة من المستطيلة
الجيعان يدعس
سعر الكلاسيك ١٧ والكندر ٢٢
كل حبة تكون في صحن جوا علبة مخصصة، شكل الكنافة مناسب لو عندكم ضيوف، بس ياريت يكون الكيس مغلق من المطعم ك اجراء احترازي اضافي للحماية
الطلب كان من تطبيق كريم واخذ تقريبا ساعة، اتوقع يمكن عشان الكنافة تتجهز بالطلب ف طوّلت شوية
موجودين كمان في هنجرستيشن وجاهز
** التجربة كانت جميلة، بس ياريت لو يكون في تفرقة بين الانواع اكثر في الشكل حتى لو ب شي بسيط زي اضافة حبة كندر فوقها، والطلب من كريم كويس
ايش جربتو محلات تسوي كنافة بالطريقة دي، اعطونا اسماء عشان نقارن ونشوف مين الاحسن
اكلك في بيتك جدة مطعم مطاعم توصيل ديليفري اكل جيعان جوعان كريم هنجرستيشن جاهز تويو كنافة
‏ jeddah restaurant delivery food hungry careem hungerstation jahez toyou kunafa

 

بدأت حاليا تنتشر محلات الكنافة وتسوي مسابقات وعشان اقارن بينهم قلت 1




انتقل إلى أعلى