بايتز برجر

بايتز برجر

تجربتنا لواحد من مطاعم البرجر اللي تنافس السوق بالبوكسات والتنوع اللي عندهم
طلبنا بوكس درزن سلايدر وشكلناه على مزاجنا مع اضافة اصابع جبنة، ويجي معاه ٤ صوصات وبطاطس مجانية
لا تنسو #بيبسي
بشكل عام الاكل كويس، عيش البطاطس طري ولذيذ
برجر اللحم سماش وماستر الفرق بينهم تقريبا الصوص بس، والاثنين طعمهم لذيذ
اللحم المدخن طعمه كويس بس كنت اتمنى يكون فيه اضافات في الساندوتش اكثر سواء صوص او غيره
الدجاج الكرسبي والبافلو طعمهم كمان جيد، حجم الدجاج مناسب للسلايدر ومقلي بطريقة كويسة
الجمبري للامانة ما عجبني، طريقة القلي ما ناسبتني، يجي ٣ حبات بس، وطعمه سبايسي
البطاطس واصابع الجبنة طعمهم عادي
الواحد ياكل ٢-٣ سلايدرز
سعر البوكس ١١٤ واضافة اصابع الجبنة ١٣ ريال
الاكل في بوكس مخصص مرتب، مناسب جدا للتقديم والجمعات، مغلق من المطعم للحماية
طلبنا من لقمتي، وعلى غير العادة الطلب اتأخر عليا بسبب عدم وصول المندوب للمطعم، ووصلني الاكل في خلال ٥٠ دقيقة وكان شوية بارد، بسبب ان المطعم جهزه وانتظر المندوب، بس للامانة دي حالة استثنائية
** بايتز برجر يعتبر مطعم مناسب للجمعات والمناسبات، والتنوع اللي عنده يرضي جميع الاذواق، بالنسبة للطلبات المفردة في رأيي في محلات ثانية اتفوقت عليه خصوصا في تنوع اصناف اللحم، والطلب من لقمتي او كريم حاليا مجاني
▪️ عرض جديد من مطعم بايتز برجر 🍔 اكستريم بوكس
.⏰ أوقات العمل : من السبت إلى الأربعاء من ١ الظهر الى ١٢ منتصف الليل
الخميس من ١ الظهر الى ١ بعد منتصف الليل
والجمعة من ١ ونصف الظهر إلى ١ بعد منتصف الليل
📍العنوان : شارع الامير سلطان، حي النعيم ، جدة .
▪️المكان دور واحد وديكوراته كاجول وشبابية 👍🏼
بايتز برجر من المطاعم اللي اثبتت نفسها الفتره الاخيرة ودايماً يقدمو عروض حلوة حسب أيام الاسبوع .. اليوم تغطيتي لعرض ممتاز عندهم بسعر مناسب
▪️ ( اكستريم بوكس )
🍔 اكستريم بوكس يشمل ٤ برجر من اختياركم ( لحم ، دجاج ، روبيان )
.
عرض اكستريم شامل كل الاضافات مجاناً 👍🏼 ٤ صوصات + بطاطس من اختياركم + اصابع موزاريلا + حلقات بصل + تشيدر هالابينو
.
▫️ بصراحة الطلب كان متكامل وكل الاصناف لذيذة وحبيت التنوع فيه وحجم البرجر كبير ماشاء الله .. البيف والروبيان والدجاج كلهم مميزين ماشاء الله ولاغلطة .. يستاهل التجربة وله عودة ان شاء الله
انتقل إلى أعلى