بانوفي حلويات افنان جدة

بانوفي حلويات افنان جدة 1

طلبنا كان بانوفي الحجم الكبير سعرها ١٣٠ ريال
الشي المختلف عندهم ان البانوفي يجي في حشوته شوية مكسرات قطع صغيرة وناعمة، بالاضافة لقطع شوكولاتة
واذا حبيتو تغيرو شي في الحشوة ما عندهم مشكلة
احنا اخدناها نص بمكسرات ونص بدون للمقارنة

للامانة الطعم بشكل عام لذيذ، البسكوت والكراميل ممتازين، الموز مستوي كويس، وعجبت الكل
ما حسينا فرق واضح بين النصين، الطعم جدا متشابه سواء بمكسرات او بدون، باختلاف وجود قطع مكسرات صغيرة
بس الشي اللي الاغلب لاحظه، ان كمية الموز تعتبر قليلة

الحجم الكبير يكفي تقريبا ٨-١٠ اشخاص

الطلب محطوط في علبة مرتبة عليها شعارهم، والبانوفي وصلت ب حالة ممتازة جدا

الطلب كان عن طريق الواتساب الخاص بيهم، والدفع حوالة بنكية، تجاوبهم سريع ومحترين جدا في التعامل
التوصيل عن طريقهم، ممتاز جدا وملتزمين بالموعد، وكل فترة يعملو عروض للتوصيل، احنا دفعنا ١٥ريال

** اللي يسوو البانوفي كثير، والابداع فيها محدود، والاختلاف بينهم مو كبير، لكن اللي اضمنلكم هوا انها لذيذة، بعيدا عن كمية الموز، الطعم يعتبر كويس 👍🏻

انتقل إلى أعلى