بافلو وايلد وينقز

بافلو وايلد وينقز

 

|| السلام عليكم || ~ نعود بحذر
تقييمنا لمطعم((بافلو وايلد وينقز))
شارع الأمير محمد بن عبدالعزيز-حي التحليةأوقات الدوام:
السبت للأربعاء: ١ ظهراً-٢ صباحاًالخميس والجمعة: ١ ظهراً-٣ صباحاًعندهم توصيل عن طريق موقعهموتوصيل عن طريق تطبيقات(جاهز-هنقرستيشن-تويو-كريم)
===============
{ طلباتنا }
طبق هاوس سامبلر يحتوي على: ناتشوز-أصابع موزاريلا-بطاطس مقلية-٧ قطع دجاج بدون عظم
٧٣ ريال وصوص ساوث ويسترن وصوص يشبه الرانش عشان الرانش برضو مخلص كومبو الدجاج الأصلي وبدون عظم يحتوي على: ٦ قطع من الدجاج بعظم -٧ قطع دجاج بدون عظم-بطاطس مقلية-سلطة ملفوف وبرضو معاه صوص يشبه الرانش ٦٩ ريال١ كولا ١٦ ريال١ سبرايت ١٦ ريالمياه غازيه مع نعناع وقطع ليمون ١٣ ريال حسابنا كان مع الضريبة= ٢٠٧ ريال=============
⚪️الأطباق كانت لزيزة وإحنا كنا حنطلب كل شي لوحده فنصحنا الويتر بالأطباق دي عشانها شاملة كل شي وأوفروإحنا دايماً نطلب قطع الدجاج بدون عظم وبدون صوصيكون الصوص على جمب عشان نطلب أكتر من صوص ونخلطهم مع بعض ونغمس قطع الدجاج في الصوصات كلها طبعاً كل واحد وكيف يحبها تكون بصوص أو لأ،بس جربو طريقتنا حتعجبكم
للأسف أغلب الصوصات ماكانت فيه ولما سألناهم من متى كدا مهي متوفرة،قالوا إنو ليها إسبوعين في مشاكل ماوصلتلهم من برا الين دحينفتخيلو إنو الصوصات اللزيزة ومنها البافلو مهي متوفرة فكان بس متوفر ٧ صوصات،وطلبناها كلها نجربها
⚪️ليمون وفلفل هوا بودرة يجي زي الدقة بس مررة لزيز انبسطت إنو كان متوفر يجي حامض على حار⚪️الجرك الكاريبي حار برضو⚪️صوص الباربكيو الحلو طعمه زي طعم أي باربكيو صوص⚪️زيست آسيوي يجي حار مع صويا وزنجبيل حتقولوا على المكونات مهي طعمه،بس صراحة لا كانت غريبة ولزيزة
⚪️مانجو هابانيرو حار على حلو فيه طعم مانجا⚪️بلايزن دا صوص كان مرررة حار قريب من طعم صوص البافلو،بس انتبهوا مررة حار⚪️الثوم الحار حار برضو وفي ثوم
الصوصات دي أول مرة نجربها ماعدا بودرة الليمون والفلفل وصح كانت أغلبها حارة ومرررة حسينا بحرارة قوية وقت الأكل بس صراحة لزيزة يعني الحمدلله إنو كانت كويسه مع عدم توفر الصوصات الأساسية———-
أجواء المطعم
الديكورات حلوة ومررة ينفع لما تكون في كورة عشان شاشاتهم كتيرة،والأغاني عندهم رهيييبة
============
⁉️ هل المطعم يستحق الزيارة ؟
⬅️يستحق صراحة من أطعم مطاعم الوينقز في جدة صراحة مررررة انبسطت إنو فتح في جدة قطع الدجاج نفسها مزبوطة ومافيها زيت والصوصات في خيارات كتيرة وخدمتهم كويسة
——–

 

الموضوع منقول















انتقل إلى أعلى