ايدي بيوتي الجابرية

ايدي بيوتي الجابرية 
الخدمة: تي تري لتنظيف الفروة وويفي
السعر: 18دك (عرض)
📢 ضفت ماسك لوريال لترطيب الاطراف
العاملة انجي من الفلبين خبيرة صبغ
جسا من الفلبين خبيرة شعر وتساريح
الخدمة: برافين لليد
السعر: 8دك
🌸الشغل: الستاف فرندلي وعسل/ وتبارك الله فاهمين وعارفين شيقولون ونصحوني اجرب نوعين من العلاجات ال tea tree للفروة لتنظيفها وماسك L’Oréal للاطراف والترطيب العميق والإضافة لها سعر يعتمد على حالة شعرج الصحية وكثافته وطوله والصراحة حبيت هالاقتراح 💕 قعدت تقريبا ثلث ساعة على ما يتغلغل الماسك وسويت برافين حزتها لانه ماحب انطر وماسوي شي 😂 وطبعا معروفه فوايد البرافين من ناحية ترطيب ونعومة / الويفي حلو مرتب سالتني اذا عندي مناسبة واذا ابي سبراي قلتلها لا فسوتلي خفيف beach waves حبيته 💕
جلسة التي تري عبارة عن شامبو وسكرب تحسين بانتعاش وبالفروة لما تتنفس وهوا بارد شعور علج اكسترا وماي بارد بالضبط بس عالفروة 😜💕
📢 مسولفه قبل في بوست سابق عن تنظيف الفروة وانه شي مهم لازم مرة بالاسبوع وللشعر الدهني مرتين بالاسبوع (اكثر من جذي بالاسبوع مو زين)
🌸الجو العام: الصالون دور كامل ما شاء الله/مرتب ونظيف وشرح/ الستاف حيل ذرب وكيوت ومرتبين/ قسم الشعر مفصول عن قسم الاظافر لكن ينسمع صوت الاستشوار/ بالنسبة لقسم الاظافر حبيت انهم موفرين فوط حارة لمسح السنفرة وطريقة تخزينهم حلوة تحت الكرسي من غير اي لوية وحوسه/ عندهم كولكشن بسيط من اصباغ breathable وكولكشن حلو من باجي الانواع/فيه غرفة مساج و ميكب وصلاة/ يحطون اغاني انقليزية بدون اي ازعاج ولويه
ملاحظات:
🔍النظافة والتعقيم: معقم وملتزمين بالاجراءات💯
📍موقع الصالون: #جابرية خلف ماكدونالدز
🚗المواقف: متوفرة
☕الضيافة: متوفرة
🗓️موعد: نعم
🏷️عروض: نعم جيكو البوست اللي وراه
🏠خدمة منازل: لا
✨نوع الكرسي: عادي
Image.jpegImage.jpegImage.jpegImage.jpegImage.jpeg

انتقل إلى أعلى