اول يوم عيد كانت زيارتي للمطعم العالمي “برجر اند لوبستر” المطعم

اول يوم عيد كانت زيارتي للمطعم العالمي "برجر اند لوبستر" المطعم 1

اول يوم عيد كانت زيارتي للمطعم العالمي “برجر اند لوبستر” المطعم

 

اول يوم عيد كانت زيارتي للمطعم العالمي “برجر اند لوبستر”
المطعم ده جربته في لندن و كانت تجربه جيده، بس فكرة المطعم ما ادري اذا تمشي هنا؛ سعره نار و المنيو مافيه غير تلات انواع
لوبستر رول
برجر
و لوبستر
بالنسبه للخدمة كانت جيده، الموظفين بسوشين ؛وولدي الصغير كان كل شويه يرمي منديل بطاطس سكينه شوكه المصاصه عل الارض و تلاقي الويتر مسكين كل شويه ينظف من وراه و هو ساكت (اعطيته بخشيش يستاهل)
الديكورات حلوه و مطعم نظيف، طلبات جات في اقل من 15 دقيقه
طلبنا ما هو آتي
الطلب الاول: لوبستر رول
هو ساندويش لوبستر بارد و مقطع مع المايو و يجي معاه بطاطس لذيذه و سلطه طيبه و يجي معاه صوص الليمون مع التوم للتغميس
الطلب ده احسن شي في المطعم اعطيه 4 من 5
سعره غالي جدا 135 ريال (سعره في لندن عشرين باوند بس بالنسبه لاسعار مطاعم لندن يعتبر هناك سعره متوسط لكن في جدة سعره غالي مقارنه بمطاعم جدة)
عنده اسبايسي ما عمري حربته و سعره ارخص 105 ريال
الطلب التاني: برجر
برجر لحمه بالجبنه و مع الطماطم و الخس و مخلل؛ البرجر متوسط الى جيد؛ اعتبره طيب و لذيذ بس في مطاعم برجر افضل منه؛ طلبناه ميديم ول و جانا ول دن
اعطيه 35 من 5
سعره 65 ريال و دفعونا 5 ريال زياده مكتوب في الفاتوره MW اعتقد قصدهم ميديم ول بس ما جانا لا ميديم ول و لا يحزنون
يجي معاه بطاطس و سلطه
الطلب الثالث: كمبو (لوبستر و برجر صغير)
طعمه عادي ما كان حجمه كبير ،مسلوق
اعطيه 35 من 5
السعر 175 ريال غالي بس اللوبستر دايما يكون غالي
الطلب الرابع
ميلك شيك لذيذ و يروي الظمئ في الحر الشديد سعره 25 ريال سعودي فقط لا غير
المهم طلعنا بفاتوره محترمه 445 ريال و احنا شخصين و طفليين
المطعم في لندن حتى ما عنده ورقة المنيو (الويتر يقلك ايش التلات اصناف في المنيو)
بعدين تقدر تزور المطعم بدون حجز المطعم كان فاضي نوعا ما (مدري مين ضحك عليا و قال لازم تحجز او ما تدخل المطعم)
امكن ازور المطعم تاني في اوائل 2018
التقييم من 5
الخدمة 45
الجو العام 45
القيمه مقابل المال 32
الطعم 38
التقييم العام 4
و سلامتكم
حسابهم
burgerandlobstersa
تقييم جدة فودي

 

اول يوم عيد كانت زيارتي للمطعم العالمي "برجر اند لوبستر" المطعم 1


انتقل إلى أعلى