| الوزان | مطعم جميل ولكن يفتقر شويه للنظافه حسب ما

| الوزان | مطعم جميل ولكن يفتقر شويه للنظافه حسب ما

 

| الوزان |
مطعم جميل ولكن يفتقر شويه للنظافه حسب ما وصلنا من صديقتنا المبدعة njjo
مطعم الوزان شارع التحليه جانب الصيرفي مول
من احلى المطاعم اللي بيقدم المشاوي والفطاير في جده والكل عارف قد ايش الزحمه والانتظار فيه بيطول
المطعم في الصباح بيقدم فطور متنوع من الفطاير والسندويتشات المميزه كنت اروح المطعم بإستمرار ولكن بسبب الزحمه والانتظار اللي بيتعدا الساعه احيانا ماصرت اروحله كتير زي اول فزيارتي هذي المره كانت بعد صلاة المغرب والحمدلله كان فيه ناس بس مافي زحمه وانتظار علطول لقينا طاوله
بيقدمو الخبز الساخن والمخلل والخضروات على كل طاوله
نجي للطلبات بما اني دايم ازور المطعم وجربت تقريبا اغلب طلباتهم بعدها صرنا نطلب اكتر شي مميز عندهم
جمبري مشوي ب60 ريال
الطبق كبير ويجي معاه خضار سوتيه وبطاطس ورز صياديه وصوص كوكتيل اللي يميز الطبق حبات الربيان جامبو جدا كبيره ومستصحه والتتبيله روعه ومميزه طبق كباب اللحم 45 ريال
الكباب جدا طري ولذيذ ومميز
صفيحة لحم بالعجين 8 ريال
رز ابيض 8 ريال
الحساب 121 ريال
المطعم فيه برتشينات والخدمه ممتازه وسريعه بس يفتقر شويه للنظافه احس اول كان ارتب وانظف بس مو ذاك السوء يعني الحمدلله الأكل نظيف وبيتقدم بطريقه مرتبه
jeddah restaurants لبناني

 

الموضوع منقول



انتقل إلى أعلى