اللي جايين للشرقية بهالإجازة أو بأيام العيد حبيت أعلمكم عن قهوة

اللي جايين للشرقية بهالإجازة أو بأيام العيد حبيت أعلمكم عن قهوة

 

اللي جايين للشرقية بهالإجازة أو بأيام العيد
حبيت أعلمكم عن قهوة شرق
محمصة ومقهى
هي بالخبر
مشروباتهم وحلوياتهم لذيذة
تعاملهم جداً جداً جداً راقي،،
اللي ماسكين استقبال الناس شباب سعوديين مؤدبين مررررة،،
أسعارهم مناسبة
والأهم من هذا إنه مافيه موسيقى،،
الغراء بنتي علمتني عليهم بأيام العيد،،
تقول إنها شافت وحدة بالانستقرام دايم تروح لهم،،
قلت إذا هي مشهورة يمكن تسوي لهم دعاية
فلا تصدقين،،،قالت؛لا،،،شكلها مو دعاية،،
وفعلاًحتى أنا إلى الآن رحت لهم ثلاث مرات،،
وكل مرة يجوزون لي أكثر،،
ماشاء الله تبارك الله،،
ببداية شوال كانوا يوزعون علينا مع كل مشروب ورد طبيعي
كانت الحركة حلوة،،
يقولون عشان العيد،،
وبآخر شوال رحت لهم ووزعوا علينا كوكيز مجاني لذيذ
ما أدري هل أهل المشروع كانوا يبونه دعاية لهم
أو أهل القهوة ناوين يجيبون منه للبيع وهذي تجربة عشان يشوفون راي الزباين فيه،،
وهالمرة ماشاء الله تبارك الله كلنا أنا والبنات تقهوينا وحلينا وب١٠٠ ريال بس،،،ماعمرها صارت،،
(طبعاً الغالية بنتي بس أخذت حلو ،،لأنها ما تشرب قهوة)واللي زاد إعجابي بهم إنهم هالأيام مشغلين بالسماعة تكبيرات ،،
مرررررررة حبيت الحركة،،
فعلاً حسيت بانشراح الصدر،،
فكل مرة يبهروني بشيء وأرضى عليهم زيادة،،
عاد هالمرة ذكروني بناتي وقالوا تراك يا ماما ما سبق ومدحتيهم أو تشكرتي منهم بالانستقرام وهم يستاهلون المدح،،
لأننا اتفقنا إننا لازم نقول للمحسن أحسنت،،
فالله يوفقهم ويرزقهم من واسع فضله،،
الزبدة ؛إن القهوة ناجحة وبإذن الله تكون وجهتي الأولى بالخبر و أكرر زيارتي لها عدة مرات،،
بس بصراحة مو في الليل،،
لأنها تصير زحمة مررررة

 






اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *