الكل متحمس يجرب سلطان ستيك هاوس تتوقعوا أش السبب ؟!

الكل متحمس يجرب سلطان ستيك هاوس تتوقعوا أش السبب ؟!

 

الكل متحمس يجرب سلطان ستيك هاوس
تتوقعوا أش السبب ؟!

مقطع فيديو رائع وصلنا من صديقنا وحبيبنا ghaithhammouri
“سلطان ستيك هاوس” هذا تقرير لا تقييم والسبب المطعم لسا سوفت اوبنينج المكان طريق الروضة مقابل مستشفى الملك فيصل مجمع U Shape الجديد
اخر صَيحات جدة للمطاعم وهو مطعم يحسسك انك في تركيا وتم افتتاحه من شي اسبوعين ولساته افتتاح تجريبي، غالبية الموظفين اتراك وللاسف اللغة الانجليزية عندهم تعبانة، الحجز المسبق ضروري و خصوصاً في نهاية الاسبوع والتكييف ❄️وقت الزحمة تعبان و يوجد عوائل ‍ ‍ ‍ وعزاب و المواقف متوفرة ولكن زحمة في نهاية الاسبوع يوجد لديهم:ما لذ و طاب من اطباق اللحوم و طبق دجاج و طبق سالمون
الطلبات: سلطة غافور داغ / سلطة السلطان / عصير لموناضة / سجق / انتراكوت / قفص السلطان/ حلى (كاتمر) شاورما
الطعم: نبداء من اول ، العصير اسمه هوم ميد وللاسف طعمه كانه بودرة وليس طبيعي وبالنسبة للسَلطات جيدة ولكن الجوز ما كان يقرش ممكن مخلوط مع السلطة من قبل وبالتالي اصبح طري، وبالنسبة للسجق كان ممتاز جداً اما الطبق المميز فهو قفص السلطان وصراحة ما كنت اتوقعه باللذاذة هذه ما شاء الله كان الطعم موزون والبهارات قليلة يعني تستطعم باللحم ودرجة الاستواء بين ميديوم و ميديوم دون والحلى للاسف ما كان متوفر بقلاوة ولانه تيجي من تركيا ونصحنا الويتر ب شيء اسمه كاتمر (يشبه الكريب بالمنظر) وهو عبارة عن خبز رقيق محشي فستق حلبي مطحون وتيجي مع ايس كريم ونصيحة خذوها طعمها يجنن
الاسعار: الكل قبل ما اروح يحكولي غالي ولكن يستاهل اذا انت من متذوقين اللحوم ومهتم للتجربة، وطبعاً الفاتورة تجيب تيس الله يرزقنا ويرزقكم
الخدمة: الويترز بشوشين ومتعاونين وعددهم كافي ولكن كما ذكرت سابقاً لغة التواصل غير جيدة، سرعة الطلبات ما شاء الله رهيبة ما توقعهتا كذا لانه حجم الطلبات كبير ومكان الشوي مكشوف بالكامل، و يوجد على طاولة زجاجة موية ايڤيان و اخرى بيريه، بتمنى منهم يحطو على كل طاوولة مناديل( قُماش)، وقسم العوائل مريح و واسع
والحساب كاش وفيزا
jeddah restaurants تركي

 

انتقل إلى أعلى