السلام عليكم ~ نعود بحذر تقييمنا لـ مطعم ((بابا خان)) متخصص




السلام عليكم ~ نعود بحذر تقييمنا لـ مطعم ((بابا خان)) متخصص

 

السلام عليكم ~ نعود بحذر
تقييمنا لـ مطعم ((بابا خان))
متخصص في تقديم الأكلات الهندية في جدة
حي الزهراء – شارع أحمد العطاس
أوقات الدوام يومياً من 1 الظهر إلى 1 الصباح
===============
{ طلباتنا }
طبق مشكل بـ 79 ريال
كرات دجاج البرياني بـ 35 ريال
خبز (نان)بالزبدة بـ 14 ريال
مشروبين بيبسي بـ 6 ريال
حلا جولب جامن بـ 20 ريال
==============
⚪️ الطبق المشكل (يكفي شخص أو شخصين) (تختارو درجة الحراره) إحنا اخترناها وسط وماكان الأكل حار مرةعبارة عن صحن رز برياني طلبناه ساده(وتقدرو تطلبوه بالدجاج)طعمو لزيز، طابخينو مزبوط
إيدام دجاج بالزبدة مطبوخ برضو كويس
إيدام دجاج تكا مسالا برضو لزيز
إيدام العدس كان الطعم مو قد كدا بس قالولنا النباتيين يعجبهم الطبق دا مررة
صحن لحم روقن جوي “إيدام لحم” طعمه زي إيدمات البيت
صحن بصل البهاجي طعمو مقبول اللي من المدينه ويعرف حاجة إسمها (قاضي قضا) هوا قريب منها في الطعم بس دي بالبطاطس وقاضي قضا باللحم
صلصلة الزبادي كأنو زبادي بالخيار بس ماكانت قد كدا مهي مزبوطة
المخلل الهندي لزيز——-
⚪️ كرات دجاج البرياني
مرة مرة لزييييزة،أتعب أقولكم طعمه وخفيفه ،أنصحكم تجربوها لو رحتو المطعم لأنها هيا السيقنتشر حقت المطعم
———-
⚪️ خبز(نان) بالزبدة
نفس أي نان من أي مطعم هندي
————
⚪️ جولب جامن
الحلا الهندي المعروف وهو عبارة عن جوز الهند مع حليبطعمو عادي بس ممكن يعجب بعض الناس وحالي شوية
———–
أجواء المطعم
الديكور مره جميل،الديكور كأنكم تاكلو في مطعم في شارع من شوارع الهند، حبيت الديكور مررره، كانت في طاولات داخلية و طاولات خارجية و كانت التجربة حلوة انو نآكل في طاولة برا المطعم، بس للأسف كان حر شويهعيبه إنو المطعم صغير============
⁉️ هل المطعم يستحق الزيارة ؟
⬅️ يستحق التجربة
⁉️ نصيحة
⬅️ المطعم زحمة ويفضل تروحو بدري أو تحجزو ،عشان احنا جلسنا في الجلسات اللي برا عشان كان الويتنق طويل عشان ناكل جوا
——–
‏ jeddah جدة مطاعم مطعم تقييمات تقييم مطعم هندي زهراء بابا خان

 

انتقل إلى أعلى