السلام عليكم ،، وصبحكم الله بالخير،، بسولف لكم عن أربع أشياء

السلام عليكم ،، وصبحكم الله بالخير،، بسولف لكم عن أربع أشياء

 

السلام عليكم ،،
وصبحكم الله بالخير،،
بسولف لكم عن أربع أشياء بهالصورة جازن لي وبعلمكم عليهن عشان تستفيدون منها،،،وتقلدوني فيها :
١/أول شيء البراونيز،،،هذا البراونيز من ليلو،،،لذيذ وغني ،،،وفخم،،،جاء للغالية بنتي هدية ،،،وكانت مخليته لاجتماع أهلي،،،بس الاجتماع أمس صار أخواتي خاص بدون بنات (حنا إذا من زمان عن بعض نخليها خاصة بدون بنات عشان نركز مع بعض )فقلت للغالية بنتي حطي لنا أنا وخواتي بعض علبتك وخلي لقهوتك أنت وخواتك بعضها،،،،وماشاء الله تبارك الله على قولة أمي الله يغفر لها ويرحمها المشروك مبروك
٢/العلبة البيضاء هذي من ميني سو ،،،بلاستيك قوي،،أخذتها ب١٨ ريال من نخيل الدمام،،،هي أصلاً معده للاكسسوارات،،،بس أخذتها لحلو الاجتماعات الأخواتية ،،إذا صرنا شويين،،لو نقطع فيها بسبوسة،،أو فدج قشقوشة،،،ولها غطاء وناعمة ووذفة،،

٣/الغالية بنتي اليوم عندها شغل بالربوة،،،قلت لقرو وقشقوشة خلونا نوصلها وناخذ معنا باقي براونيز ليلو حق الغالية ونروح نتقهوى بقهوة برواز،،
تعرفون المثل اللي يقول (مامحبة إلا بعد عداوة) هذا هو،،،رحت له الأربعاء ولأنه عيا يبيع علينا لأنه قرب وقت الصلاة وأنا كان عندي عزيمة عشاء فما قدرت أنتظر لبعد الصلاة ،،،ولا كان بالمحل موسيقى ،،،فوقعت في غرامهم،،مكانهم رايق وقهوتهم لذيذة،،،وكوكيزهم ايجنن،،،وتعاملهم جداً مؤدب،،
٤/للي يلبسون نقاب وما يغطون عيونهم،،،البسوا نظارات شمسية،،،تضفي عليك كمية كبيرة من الاحترام والهيبة،،
وبس،،
،،
،،
والآن يا رفيقاتي،،
بسألكم سؤالين؛
١/تحبون طريقتي بتقسيم المواضيع لنقاط؟
٢/أي النقاط الأربع جازت لكم وتفكرون تقلدوني فيها،،
براونيز ليلو أو علبة ميني سو أو قهوة
برواز أو النظارات الشمسية؟؟

 

انتقل إلى أعلى