البرادايس اسم إنجليزي ويعني الجنة ،، أنا استغربت كثير يوم عرفت

البرادايس اسم إنجليزي ويعني الجنة ،، أنا استغربت كثير يوم عرفت

 

البرادايس
اسم إنجليزي ويعني الجنة ،،
أنا استغربت كثير يوم عرفت إنه الترجمة الحرفية للفردوس،،
الزبدة،،،
كان لجمال هذا الاسم
أو هذا المسمى
أن أطلقه البعض على بعض البنات،،
أو المناطق،،
أول ما عرفت الترجمة كنت في زيارتي لمنطقة جميلة في بلد ما تسمى بالبرادايس
فلما استفسرت عرفت أن الأهالي قد شبهوها بالجنة فسميت بهذا الاسم،،
ورأيت أيضاً أن هناك بعض الفنادق تسمت بالبرادايس تيمناً بهذا الاسم
أو المطاعم،،
وحتى بعض أنواع العصير ،،
هل تذكرون معي الضجة التي حصلت حين وقفت دوريات الشرطة قبل ثلاث سنوات لتنظم دخول زباين محل العصير (سجنتشر) والأغلب كان يطلب نوع برادايس،،،
أنا بعلمكم عليه ،،،
وبدون دوريات شرطة ،،
ولازحمة ،،
ولا حتى ١٧ ريال ،،
ولا هم يحزنون،،
المقادير عبارة عن اللي تشوفونه بالصورة وهو؛
موزة علبة زبادي كاس حليب ملعقة عسل
ياعسولات أنتم
وفيه أكياس فواكة مثلجة بجهة الثلاجات بالسوبرماركت،،،فراولة/مانجوتوت/أي فاكهة
أول ماتشتريهن جمعي من كل بستان زهرة ووزعيهن بأكياس صغيرة،،على حسب عدد الأفراد اللي يبي يشربون معك كل مرة،،،
أنا هالمرة كنت جايبه من البقالة بس فراولة ولب المانجو،،،قطعته مكعبات
وممكن تحطين معها لو عندك نوع فاكهة كثير بالبيت وما تتوقعين تاكلونه كله
أنا هنا حطيت كمثرى وموز،،،
حطيت الأكياس بباب الفريزر،،،
وإذا صرت مكثرة عشاء وما أبي أفطر
أو حتى متعيجزة أسوي لي فطور
أسوي لي هالبرادايس
وللمعلومية الكمية هذي تسوي ثلاث كاسات كبار
يعني ١٧ و١٧ و١٧
ماشاءالله تبارك الله
مرررررررة لذيذ
ومفيد،،
وبإذن الله يبي يعجبكم،،
اعتمدوا طريقتي،،

 

الموضوع منقول

انتقل إلى أعلى