الايام هذي اغلب تغطياتنا للمشاريع اللي بدت بفود ترك و نجحت

الايام هذي اغلب تغطياتنا للمشاريع اللي بدت بفود ترك و نجحت

 

الايام هذي اغلب تغطياتنا للمشاريع اللي بدت بفود ترك و نجحت و فتحت فروع و اخرها ون واي برجر في مجمع الرياض هب حي النخيل المكان جدا و مميز و غريب اول ما تدخلون تحصلون مكان الطلب هو الترك نفسه و باقي الديكور اغلبه لوح مرورية و اعمال طرق يتكون المكان من دورين الدور الاول مكان الطلب و بار صغير فيه كم كرسي و الدور ثاني هو اللي فيه الجلسات للعائلات و الافراد مع بعض بدون بارتشن بس صراحة الجلسات غير مريحة طلبنا ون واي فرايزطعمه جدا لذيذ بصوصهم الخاص و البصل و جربنا الشرمب واي طعمه لذيذ سبايسي شوي و طلبنا برغر لحم سينجل و في دبل لذيذ و خفيف و جربنا البريسكت بس ما عجبنا مع ان الخبز مع الصوص ممتازين بس اللحم نفسه زفر بالنسبه للخدمة الكاشير كان شاب سعودي لطيف وتعامله رائع بس مافي منيو في الايباد فيه الصور فقط بدون الاسماء و مشكلة المطعم انه مافي الا موظف واحد اغلب الطاولات كانت تحتاج تنظيف ولما جاب لنا الطلب جاب لنا شوك مكشوفه وحطها على الطاولة فمن الافضل انها تكون مغلفة المطعم لذيذ ونرجع له واسعاره معقوله وهم لسه ببداية الطريق ان شاء الله يتقبلون ملاحظاتنا بصدر رحب ونتمنى لهم كل التوفيق
الطعم⭐️⭐️⭐️⭐️⭐️
الخدمة⭐️⭐️⭐️
السعر⭐️⭐️⭐️⭐️
التقييم العام⭐️⭐️⭐️⭐️
توب فايف الرياض مطاعم الرياض riyadhrestaurants burger برجر onewayburgerksa توب فايف الرياض برجر

 

الموضوع منقول





انتقل إلى أعلى