استخدامي لقانون الجذب

استخدامي لقانون الجذب 
كنت متخرجه من الجامعه ومرا كان نفسي اشتغل
حاجه في الادره وبالاخص خدمة العملاء كنت شايفتها الوظيفه اللي تناسبني وتليق فيني وحابتها
وتخصصي كان مرا ماله دخل بالوظيفه تخصصي تاريخ ومع ذلك كنت ابغى خدمة العملاء و كنت
اروح وادور واقدم على كثير خدمة عملاء
في شركات ومستشفيات وعيادات ماخليت مكان
 الا و قدمت فيه
+
 كنت اخرج وانا زعلانه من المقابلات لان اغلبهم او الكل بالاصح كان يقولي انتي تخصصك تاريخ
ماراح تفيدينا بشي وماعندك خبره واحنا نبغى شخص فاهم الشغل مو نعلم من جديد حتى رفضهم كان سلبي مرا ويسد النفس 💔
+
الين قولت بطبق قانون الجذب وبإذن الله راح يزبط
معايا وبالفعل توكلت على ربنا وجبت ورقه وقلم
وكتبت الوظيفه اللي نفسي فيها خدمة عملاء في شركة كبيره ومكان محترم وحددت الراتب وكل التفاصيل اللي كنت ابغاها سجلتها في الورقه حتى مكتبي كنت اتخيلو واتخيل اني اصحى من النوم واني رايح لشغلي حتى الشفت كنت اتخيلو  زي ما ابغى انو صباح بس شغلي مو فترتين او مساء وكنت حتى نومي ملخبط عدلتو ورتبت نفسي وجهزت حتى شنطة اليد 🌝🤣 واني راجعه من الدوام.
كنت اتصرف كذا وانا كل المقابلات اللي روحتها رفضوني عشان ماعندي خبره وتخصصي بعيد جدا عن الشاغر الوظيفي اللي ابغاه .
واكلم صحبتي كاني مجنونه اقولها ماقدر اطول معاكي في المكالمه واسهر ورايا دوام هههههههههه
تفتكري يا لودي الجميله 🌝🤣♥️
وبعدها لقيت اعلان عن وظيفه قولت برسل السي ڤي ماني خسرانه شي ارسلت وعدا اسبوع ولا اي شي جديد وكملت على تفاؤلي وكانت تجيني الافكار
السلبيه وعادي ما اقومها اخليها تمر اركز على الايجابية واسترسل فيها واتخيل وانبسط😴 وبعدها بيومين ردو عليا وقولولي تعالي الشركه بنفس المواصفات كبيره والوظيفه اللي ابغاها وكل شي نفس اللي ابغاه سويت المقابله ورجعت وانا متفائله وبالفعل نهاية الشهر اللي سويت المقابله
فيه كلموني و بشروني انهم قبلوني واستلمت وظيفتي الحمدلله 😴💙
*دائما وابدا اطلب الشي من الله ولا تفكر في الاسباب بس فكر انك تبغى وربنا راح يسخرلك
الارض ومن عليها 
Image.jpeg

انتقل إلى أعلى