أنت وهيا طلو على هاشتاقنا jeddah restaurants باكستاني تقييم اليوم




أنت وهيا طلو على هاشتاقنا jeddah restaurants باكستاني تقييم اليوم

 

أنت وهيا طلو على هاشتاقنا jeddah restaurants باكستاني
تقييم اليوم وصلنا من ghidusha
تقييمي عن مطعم باكستاني بسيييط جداً وللأسف محد يعرفه الا عدد قليلالمطعم اسمه لاثاني “قرية التوابل”
موقعه في شارع السبعين مع تقاطع التحلية نبدأ بالتقييم والطلباتاولاً خدمتهم سريعة وتلاقي طاولة أول ماتدخل والويتر بشوشين
المكان بسيط مو فخم جدا ولا مكسر وحالتو حاله يعني شي محترم وهذا المهمالاكل ماياخد وقت في التحضير اول ماتدخل يقدمو لك شي مقلي ما اعرف ايش اسمو مع شي حالي وسلطة لبن خفيفه
ولما تفك ماحتسك يعني ممكن تشبع لو كثرت طلباتنا كانت عباره عن:
– صحن رز ابيض ١٢ ريال ” ما اكلت منو عشان كذا ماراح اقيمه ” -صحن بطاطس مو مكتوب سعرها بالمنيو – ٢ خبز النان ساده + ١ شباتي – سلطة لاثاني ١٠ ريال ” عاديه جداً واقل من عاديه مجرد خضار وشوية تونة ” اعطيها ٥/١٠” – طاجن تندوري ٣٥ ريال لذيذ جداً بس للاسف ماقدرت استمتع فيه لأنو اهلي طالبينه حار وانا ما اكل فلافل “اهلي اعطوه ٧/١٠ لأن قطع الدجاج كانت قليله غير عن العاده” – دجاج كراهي ٣٢ ريال برضو لذيذ ونفس حالة اللي فوق برضو حار “تقييم اهلي له ٩/١٠”
بعدين عملت اضراب عليهم لأني ما احب الفلافل قامو طلبو لي – دجاج كورما ٣٠ ريال لذيذ لذييذ واخيرا استمعت بالاكل بدون فلافل “اعطيه ٩/١٠” – ٤ مشروبات غازيه + مويه كبيره = ١٦ ريال
كنا ٥ اشخاص وطفل واحد واكلنا بشبع الحمدلله وزاد كثير كمان
الحساب كلو كان “١٤٨ ريال”
واتوقع هذا سعر جدا جدا مناسب هذي تقريبا سادس او خامس زياره له وماقد لاحظنا فيه عيب وان شاء الله يستمر على المستوى دا ❤️
نصيحه مني جربوه ماراح تندمو

 

انتقل إلى أعلى