أمس بالليل مريت على محل حلويات حول بيتي شفت بحسابهم بالانستقرام

أمس بالليل مريت على محل حلويات حول بيتي شفت بحسابهم بالانستقرام

 

أمس بالليل مريت على محل حلويات حول بيتي شفت بحسابهم بالانستقرام إنهم مسوين عرض باليوم الوطني،،،
علبتين بسعر علبة،،
وكنت مقررة لمن بهدي العلبة الأولى
بس العلبة الثانية قعدنا نفكر وش نبي نسوي فيها،،
مالقيت الكاكاو،،
نفدت كمية اليوم
شفت عندهم تحفتين شكلها مرة حلو،،
حامل وبه فازات صغيرة
هي في الأساس شمعدان
بس أنا بعاملها معاملة أكواب
إما للمشروب الترحيبي أول ما يجون الضيوف
أو لحلو الأكواب
بس كان عندي مشكلة بالعصفور الصغير اللي بطرف الشمعدان
بدور له حل وأطمس معالمه
وتحمست له مرة،،
قلت للعاملة بالمحل؛
هذولي للبيع،،
قالت البائعة؛
لا،،،هذولي زينة للمحل،،،من ضمن الديكور
وكانت الغراء بنتي معي،،
قالت؛
ماما،،،قولي لها،،،عندكم ثنتين،،
قلت لها؛
تقول بنتي عندكم ثنتين،،،
بيعوا علينا وحدة منهن
ضحكت وقالت؛
والله ما أقدر،،مو من صلاحياتي ،،مو للبيع
قالت قرو بنتي؛
ماما،،،قولي لها؛
طيب وإذا صار أبوي محمد؟؟
تبيعونهن علينا؟؟
قلت؛
تقول لك بنتي؛
وإذا صار أبوي محمد،،
بس ترى أبوها هي مو محمد
أنا اللي أبوي محمد جعله بجنات النعيم
ضحكت وطلعنا،،
وإلى هنا انتهت القصة،،،بعد ما قالت لنا إن علب الكاكاو اللي عليهن عرض خلصت ،،،تعالوا بكرة بدري،،
الفوائد من هذه القصة؛
١/لامانع من إعادة تدوير أي تحفة مناسبة لتكون أواني كشخة٢/ابتعدوا عن الأواني والتحف اللي عليها مجسمات الحيوانات والطيور أو دوروا طريقة لطمسها٣/سالفة العروض اللي فيها (أبوي محمد وعمي محمد وخالي محمد)أحسها نوعاً ما بايخة وأبداً مو راقية٤/الأمور التي لاتعرض للبيع لاتطلبها للشراء٥/بورك لأمتي في بكورها،،،كل شيء تسويه أول الوقت فيه بركة،،،رحنا بالليل فما لقينا علب الكاكاو اللي نبيها،،،
٦/العاملة لاتلام على عدم بيعها مانريد وإن كان عندها ثنتين،،،كانت كلمة أمي الله يغفر لها ويرحمها (وش على من شح بماله) واللي عنده ألفين،،،يبي الألفين،،،واللي عنده سيارتين يبي السيارتين،،،مالأي أحد حق بالاستكثار عليه ما عنده أو بالمطالبة ببعض ماله
٧/اللطافة،،،اللطافة،،،اللطافة،،،العاملة مالقينا عندها الكاكاو اللي نبيه ولاباعت علينا الشمعدان ولا سوت لنا أي شيء،،،بس كانت إجاباتها بنفس طيبة وإبتسامات ونقاب،،،يا الله من فضلك،،،وش نبي أكثر!!
٨/لاتبني أحلامك في الهواء،،ولاتخطط على شيء إلا وأنت على وطية ثابتة،،،حطيت ثلاث اقتراحات واحتمالات للعلبة الثانية وآخر شيء مالقينا لا الأولى ولا الثانية،،
٩/وش بقى من فوائد؟؟!!

 

الموضوع منقول



انتقل إلى أعلى