ألف مبروك لعشاق العميد ولعشاق الملكي تقييم اليوم

ألف مبروك لعشاق العميد ولعشاق الملكي تقييم اليوم

 

ألف مبروك لعشاق العميد ولعشاق الملكي
تقييم اليوم وصلنا من متابعه لنا طلبت عدم ذكر أسمها
تقييم لمطعم بياتو (مركز اتوال) طريق الملك بعد ستارز افينيو
رحت المطعم من زمان وكان لسه جديد وديكوره كان كئيب شوية وماعجبني وقتها ما اتوفقت في الطلب بس شفت تقييم ليه هنا قلت نجربه تاني لانه يعتبر اكله ايطالي اصلي ،
الضيافة سلطة سيزر صوصها لزيزاعطيها ٩/١٠ ،
والعيش كمان كان لزيز مدهون بزبدة وتوم عجبني لين ومقرمش اعطيه ٩/١٠ ، طلبنا شوربة بصل في العيش لزيزة ،
مع العلم جربت كتير حتى في لرنسا ماعجبتني بس دي عجبتني اعطيها ٩/١٠ ،
طلبنا لزانيا كميتها مناسبة وعجبت صاحب الطلب مادقتها بس اتوقع لزيزة وتدوب في الفم شفت قوامها ٨٥/١٠ ،
طلبنا بيتزا بالموزاريلا والريحان مرة عجبتني بيتزا ايطالية مزبوطة اعطيها ٩٥/١٠ ،
وطلبنا مكرونة كاربونارا بالجمبري والدجاج والبيكون بس انا طلبتها من غير بيكون ، كانت ناقصة ملح بس فيها نكهة لزيزة وعليها نوع جبنة ماعجبني اعطيها ٧/١٠ ،
الجلسة حلوة ورايقة وتعيشك في جو حلو ، اخدنا طبق حلى سامبلر بس ماصورته فيه ٣ حلويات تيراميسو وجيلاتو وكريم بورليه ، التيراميسو عادي مو مميز ، بس الكريم بورليه مرة عجبني عليه السكر المحروق طبعا ومن جوه نكهته لزيزة ونضيفة ، حلو الطبق انه فيه اكتر من نوع حلى في نفس الوقت كميته مناسبة الفاتورة ٢٧٤ ريال ، بالعموم المطعم اكله نضيف وفرش وعجبني وان شالله حارجعله تاني اذا الله احيانا وشكرا ،
jeddah restaurants أيطالي

 

الموضوع منقول



انتقل إلى أعلى