|أغاڤي| تقييم جميل ومفصل وصلنا من المبدعة emma review ريڤيو لأغافي

|أغاڤي| تقييم جميل ومفصل وصلنا من المبدعة emma review ريڤيو لأغافي

 

|أغاڤي|
تقييم جميل ومفصل وصلنا من المبدعة
emma review
ريڤيو لأغافي
المطعم فيه جلسات ان دور “مره فخمه خصوصاً جلسات الكوفي كانت توفر خصوصيه حلوه” و جلسات آوت دور و احلى شي فيها الاضاءه الرايقه و صوت المويه في كل مكان
يفتح الساعه ٤ العصر الى ٢ الليل
الزياره كانت الساعه ٤ ونص في وسط الاسبوع
الجو كان جدداً جميل و على طول طلبنا نجلس اوت دور
اخترنا طاوله كانت مره مكانها حلو ✨
الجلسه رايقه ومافيها ازعاج ، الخدمه ما كانت بطيئه زي ما قرأت بالعكس كانت مقبوله جداً
و بعد ما طلبنا جانا السوبرڤايزر يسأل اذا الطلب تأخر او فيه اي ملاحظه و كنا راضيين تماماً
ما كان فيه ضيافه!
طلباتنا:
– عصير كوكتيل “لذيذ و منعش و حلاه موزون” ٣٣ ريال
– لحمه بالحبق “جازفت في الطبق بس حبيته ، كان عباره عن مكعبات لحم مع صوص الحبق و دبس الرمان و مقدمينه مع لوز و فستق بس كان ناقصه ملح و بهارات و بس ما اعتبره مشكله لأني اضفت بهارات من اللي عالطاوله ، اللي انصدمت منه انو الخبز اللي جاي معاه كان عيش لبناني في أكياس في باسكت خشب ، طريقة التقديم كأني جالسه في واحد من مطاعم الفود كورت في المولات ، احب الخبز يوصلني دوبه مخبوز و حار” ٥٤ ريال
– فتوتشيني البلولو ” غامرت و طلبت طبق كانت الريڤيوز كلها تقول انه جداً عادي و مو مميز ، بس انا مره حبيته ، فتشوتشيني بالدجاج و الماشروم الصوص الابيض مره لذيذ و مبهر بشكل موزون و تقديمه حلو ، بس عيبه انو بعد ما خلصنا الصحن لقينا الدجاج كله تحت” ٦٩ ريال
بعد ما تغدينا طلبنا نغير و نجلس ان دور و نطلب قهوه و حلا
بس طلبو مننا اول شي نحاسب على طلبات الغدا و بعدها جلسنا جوّا الجلسات مره مره هاديه ✨ – طلبنا قهوه تركي بالحليب “كانت طيبه بس طريقة التقديم غريبه شويه ماحسيتها قهوه تركي” ١٧ ريال
– كابتشينو “ممتاز و كميته كبيره” ٢٠ ريال
– كيكة تمر مع ايس كريم “قوامها غريب حسيتها مو فرش و مسخنينها بمكرويف ف ضاعت هشاشتها و الايس كريم مرره حالي” ٣٨ ريال
التجربه رائعه و المكان يستاهل ارجع له على طول بس اجرب اصناف اكثر و خصوصاً في الحلى jeddah restaurants أيطالي

 

الموضوع منقول









انتقل إلى أعلى