أسعد الله صباحكم تقييم اليوم وصلنا من حبيبنا الذويق wes


Warning: Undefined variable $images_gallery in /home/611435.cloudwaysapps.com/kuqjuwqsge/public_html/wp-content/themes/astra-child/functions.php on line 46

أسعد الله صباحكم تقييم اليوم وصلنا من حبيبنا الذويق wes

 

أسعد الله صباحكم
تقييم اليوم وصلنا من حبيبنا الذويق wes w t
كودو KUDU
الموقع / فرع شارع صاري – و فيه عدة فروع منتشرة و دايما في الاجازات الموسمية تتلهف النفس و تشتاق انها تفطر برا في اي مكان بعد سهر الليل و المعاناه من الجوع ، و كالعادة ندور المطعم الاقرب للبيت عشان بعد الاكل ندور السرير ، و من باب الاتيكيت الشعبي حبلقت عيني على كودو ، و التجربة كالتالي :-
اعطينا يا اكسكيوزمي واحد فطور كودو – 20 ريال – 9/10 – عبارة عن :-
– بيض مقلي بدرجة ممتازة و ما عندي علم هل هو بالطريقة الامريكية او الفرنسية لكنه لذيذ و عجب لساني و زودت ريال عشان استمتع بالجبنة الذايبة معاه – سجق مقلي حبة طويلة طرية بتبهيرة ممتازة و طعم رائع و عشان نسد الجوع زودت حبة كمان و سحب مني الجرسون 3 ريال لكن فدا
– هاش براون بقرمشة رهيبة و طعم لذيذ و اتمنيت يكون اكبر عشان استمتع اكتر ، كنت بأطلب زيادة بس لا يابويا وقف ترا وراك غدا و عشا
– 4 حبات توست محمصة من جهة واحدة للأسف و بشكل خفيف جدا يعني بالقوة تقرمش – زبدة و مربى ، ضاعوا مع كبر الصحن و نسيتهم
– كاسة شاهي ليبتون ، انت بس زبط وزنية السكر و حتمخمخ – كاسة عصير برتقال 75/10 اتمنيت يكون طبيعي سعر الفطور الاساسي 16 ريال و مع الاضافات بيزيد السعر ، بشكل عام يعتبر لذيذ و ممتاز و رخيص ، و كان فطور سريع رغم الزحمة المتوسطة ، تجربة ستتكرر في كل اجازة جميلة كل ما سبق كان رأي شخصي يمثلني ، و لكم الحرية في ابداء ارائكم بشكل يدل على حسن اخلاقكم
jeddah restaurants أمريكي

 

الموضوع منقول



انتقل إلى أعلى